វគ្គបណ្ដុះបណ្ដាលស្ដីពី “The Promotion of Standardization in International Logistics Operations for ASEAN Countries” ទីក្រុងណាននីង៖ ចាប់ពីថ្ងៃទី២៥ ដល់ថ្ងៃទី២៩ ខែឧសភា ឆ្នាំ២០២៦ ដោយមានការចាត់តាំងពីថ្នាក់ដឹកនាំក្រសួងសាធារណការ និងដឹកជញ្ជូន តំណាងខុទ្ទកាល័យ អគ្គនាយកដ្ឋានរដ្ឋបាលនិងហិរញ្ញវត្ថុ អគ្គនាយកដ្ឋានដឹកជញ្ជូនផ្លូវគោក អគ្គនាយកដ្ឋានដឹកជញ្ជូនផ្លូវទឹក សមុទ្រ និងកំពងផែ និងអគ្គនាយកដ្ឋានភស្តុភារកម្ម នៃក្រសួងសាធារណការ និងដឹកជញ្ជូន សរុបចំនួន ៦រូប បានចូលរួមវគ្គបណ្ដុះបណ្ដាលស្ដីពី “The Promotion of Standardization in International Logistics Operations for ASEAN Countries” នៅទីក្រុងណាននីង តំបន់ស្វយ័តខេត្តក្វាងស៊ី សាធារណរដ្ឋប្រជាមានិតចិន។ វគ្គបណ្ដុះបណ្ដាលនេះ មានគោលបំណងចែករំលែក និងពង្រឹងចំណេះដឹង បច្ចេកវិទ្យា បទពិសោធន៍ និងផ្នត់គំនិតរបស់ប្រទេសចិន ទាក់ទងនឹងស្តង់ដារប្រតិបត្តិការភស្តុភារកម្មសម្រាប់បណ្តាប្រទេសដែលជាសមាជិកអាស៊ាន៕