កិច្ចប្រជុំពង្រឹងការអនុវត្តការងាររបស់គណៈកម្មាធិការសម្របសម្រួលអចិន្ត្រៃយ៍ នៃគណៈកម្មាធិការដឹកនាំការត្រួតពិនិត្យយានយន្តដឹកជញ្ជូនលើសទម្ងន់កម្រិតកំណត់ ទីស្ដីការក្រសួង៖ នាព្រឹកថ្ងៃអង្គារ ទី២៦ ខែឧសភា ឆ្នាំ២០២៦ ឯកឧត្តម សេង ឈួន រដ្ឋលេខាធិការ ក្រសួងសាធារណការ និងដឹកជញ្ជូន និងជាប្រធានគណៈកម្មាធិការសម្របសម្រួលអចិន្ត្រៃយ៍ នៃគណៈកម្មាធិការដឹកនាំការត្រួតពិនិត្យយានយន្តដឹកជញ្ជូនលើសទម្ងន់កម្រិតកំណត់ បានអញ្ជើញដឹកនាំកិច្ចប្រជុំពង្រឹងការអនុវត្តការងារ របស់គណៈកម្មាធិការ ដោយមានការអញ្ជើញចូលរួមពី ឯកឧត្តមអនុរដ្ឋលេខាធិការទទួលបន្ទុក ប្រធាន អនុប្រធានសមាជិកលេខាធិការដ្ឋាន ប្រធាន អនុប្រធានសមាជិកស្ថានីយថ្លឹងយានយន្តទូទាំងប្រទេស និងក្រុមការងារចល័ត និងមន្ត្រីពាក់ព័ន្ធជាច្រើនរូបផងដែរ។ កិច្ចប្រជុំនេះរៀបចំឡើង ក្នុងគោលបំណងដើម្បីពិនិត្យ និងវាយតម្លៃលើការងារត្រួតពិនិត្យយានយន្តដឹកជញ្ជូន ព្រមទាំងពិភាក្សាលើបញ្ហាប្រឈម និងដំណោះស្រាយសម្រាប់ពង្រឹងការអនុវត្តការងារទប់ស្កាត់បទល្មើសដឹកជញ្ជូនលើសសទម្ងន់កម្រិតកំណត់ឱ្យកាន់តែប្រសើរឡើង ព្រមទាំងពង្រឹងការអនុវត្តការងារ ឱ្យតាមតួនាទី ភារកិច្ច និងការទទួលខុសត្រូវឱ្យបានត្រឹមត្រូវបន្ថែមដោយអនុលោមតាមច្បាប់ និងលិខិតបទដ្ឋានគតិយុត្តជាធរមាន៕