រដ្ឋបាលស្រុកកែវសីមា បានរៀបចំវេទិការសាធារណៈថ្នាក់ជាតិ ជាមួយប្រជាពលរដ្ឋនៅ ២ភូមិ ក្នុងឃុំស្រែឈូក ស្រុកកែវសីមា មណ្ឌលគិរី ៖ នាថ្ងៃទី១៨ ខែឧសភា ឆ្នាំ២០២៦ ឯកឧត្តម ទិន ពន្លក រដ្ឋលេខាធិការក្រសួងបរិស្ថាន និងជាប្រធានក្រុមការងាររាជរដ្ឋាភិបាលថ្នាក់កណ្ដាលចុះមូលដ្ឋានស្រុកកែវសីមា និងឯកឧត្តម សួន សុខឃីម រដ្ឋលេខាធិការក្រសួងផែនការ និងជាអនុប្រធានក្រុមការងាររាជរដ្ឋាភិបាលចុះមូលដ្ឋានស្រុកកែវសីមា និងលោក ហ៊ាញ ប៊ុណ្ណា អភិបាលរងខេត្ត តំណាង ឯកឧត្តមអភិបាលខេត្តមណ្ឌលគិរី បានអញ្ជើញជាគណៈធិបតី ក្នុងកម្មវិធីវេទិការសាធារណៈថ្នាក់ជាតិ ដើម្បីត្រួតពិនិត្យ និងគាំទ្រការអនុវត្តកម្មវិធី គោលនយោបាយ និងយុទ្ធសាស្រ្តបញ្ចកោណដំណាក់កាលទី១ របស់រាជរដ្ឋាភិបាលនីតិកាលទី៧ នៃរដ្ឋសភា ដោយមានការចូលរួមពីលោក លោកស្រីប្រធាន អនុប្រធានមន្ទីរ អង្គភាពជុំវិញខេត្ត កងកម្លាំងប្រដាប់អាវុធ មន្ទីរអង្គភាព តំណាងរដ្ឋបាលស្រុកកែវសីមា សមាជិកក្រុមប្រឹក្សាស្រុកកែវសីមា រួមទាំងលោកមេឃុំ មេភូមិ និងប្រជាពលរដ្ឋចំនួនពីរភូមិ គឺភូមិចក់ចារ និងភូមិក្មូម ស្ថិតនៅភូមិចក់ចារ ឃុំស្រែឈូក ស្រុកកែវសីមា ខេត្តមណ្ឌលគិរី។ ឆ្លៀតក្នុងឱកាសនោះ ឯកឧត្តមប្រធាន បានចូលរួមជាអធិបតី ក្នុងពិធីចែកកង់ដល់សិស្សដែលមានជីវភាពខ្វះខាតចំនួន៤០កង់ ស្មេីនឹង ៤០នាក់ មកពី២ភូមិ (ភូមិចក់ចារ ចំនួន៣៦នាក់ , ភូមិក្មូមចំនួន៦នាក់) ដែលទទួលបានការឧបត្ថម្ភពីអង្គការខេមរា ។