សិក្ខាសាលាបណ្តុះបណ្តាលស្តីពីក្របខ័ណ្ឌ និងការវាយតម្លៃបរិស្ថាន សង្គម និងសមភាពយេនឌ័រ សៀមរាប៖ នៅថ្ងៃសុក្រ ទី២៤ ខែមេសា ឆ្នាំ២០២៦ ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន និងជានាយកគម្រោងធ្វើឱ្យប្រសើរឡើងនូវការគ្រប់គ្រងសំរាម សំណល់រឹង និងផ្លាស្ទិកនៅប្រទេសកម្ពុជា បានអញ្ជើញជាអធិបតីក្នុងសិក្ខាសាលាបណ្តុះបណ្តាលស្តីពីក្របខ័ណ្ឌ និងការវាយតម្លៃបរិស្ថាន សង្គម និងសមភាពយេនឌ័រ។ សិក្ខាសាលានេះត្រូវបានរៀបចំឡើងក្នុងគោលបំណងបណ្តុះបណ្តាល និងណែនាំអំពីក្របខ័ណ្ឌការងារ ការវាយតម្លៃហេតុប៉ះពាល់បរិស្ថាន និងសង្គម ព្រមទាំងការលើកកម្ពស់សមភាពយេនឌ័រ ក្នុងការអនុវត្តគម្រោងឱ្យមានប្រសិទ្ធភាព និងចីរភាព។ ក្នុងឱកាសនោះ មានការចូលរួមពីលោកប្រធានគ្រប់គ្រងគម្រោង តំណាងក្រសួងសេដ្ឋកិច្ច និងហិរញ្ញវត្ថុ តំណាងក្រសួងមហាផ្ទៃ តំណាងក្រសួងបរិស្ថាន តំណាងមន្ទីរសាធារណការ និងដឹកជញ្ជូននៃខេត្តគោលដៅទាំងបី រួមមាន ខេត្តសៀមរាប ខេត្តកំពង់ស្ពឺ និងខេត្តកណ្តាល ព្រមទាំងសមាជិក និងសមាជិកាគម្រោងជាច្រើនរូប៕