ចំណុចយល់ដឹងបន្ថែមទាក់ទងនឹងសុវត្ថិភាពក្នុងការធ្វើដំណើរលើផ្លូវល្បឿនលឿនភ្នំពេញ-ក្រុងព្រះសីហនុ សូមបងប្អូនប្រជាពលរដ្ឋជាអ្នកបើកបរគ្រប់រូប មេត្តាត្រួតពិនិត្យលក្ខណៈបច្ចេកទេសយានយន្តឱ្យបានហ្មត់ចត់មុនពេលចេញដំណើររួមមាន៖ ប្រព័ន្ធហ្វ្រាំង ស្ថានភាពសំបកកង់ ភ្លើងសញ្ញា កម្រិតប្រេង និងថាមពលអគ្គិសនីជាដើម ធានាថាលក្ខណៈបច្ចេកទេសយានយន្តសមស្របតាមស្តង់ដារបច្ចេកទេស និងមានសុវត្ថិភាពខ្ពស់។ ទន្ទឹមនឹងនេះ សូមមេត្តាគោរពតាមផ្លាកសញ្ញា និងគំនូសសញ្ញានៅតាមដងផ្លូវព្រមទាំងលក្ខខណ្ឌនៃការបើកបរលើផ្លូវល្បឿនលឿនផ្សេងៗទៀតឱ្យបានខ្ជាប់ខ្ជួន មិនត្រូវបើកបរលើសល្បឿនកំណត់ មិនត្រូវឈប់ឬចតលើគន្លងផ្លូវអាសន្ន ត្រូវផ្លាស់ប្ដូរគន្លងផ្លូវអោយបានត្រឹមត្រូវ និងត្រូវរក្សាគម្លាតសុវត្ថិភាព ដើម្បីរួមគ្នាបង្កើតបរិយាកាសធ្វើដំណើរប្រកបដោយសុវត្ថិភាព និងសណ្តាប់ធ្នាប់។ ក្នុងឱកាសពិធីបុណ្យចូលឆ្នាំប្រពៃណីជាតិខ្មែរ ដែលខិតជិតមកដល់នេះ សូមជូនពរដល់បងប្អូនប្រជាពលរដ្ឋទាំងអស់ ឱ្យមានសុវត្ថិភាពក្នុងការធ្វើដំណើរ និងមានសុភមង្គលក្នុងក្រុមគ្រួសារ។ សូមឲ្យការធ្វេីដំណេីរផ្លូវឆ្ងាយ ឬជិត ទទួលបាននូវភាពសុខដុមរមនា ប្រកបដោយសុវត្ថិភាព និងសូមទទួលបាននូវពុទ្ធពរទាំងបួនប្រការគឺ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ។ ::ទំនាក់ទំនង៖ ⁃ ព័ត៌មានពីសេវាកម្ម និងជំនួយសង្រ្គោះបន្ទាន់៖ 1399 / 092 33 1399/ 098 33 1399 ⁃ ព័ត៌មានទូទៅ៖ 1275