រដ្ឋបាលខេត្តមណ្ឌលគិរី នឹងរៀបចំព្រឹត្តិការណ៍ហ្វ្រីកាហ្វេ ១០០០កែវ «1000 Free cup coffee» ក្នុងពិធីសង្ក្រាន្តសែនមនោរម្យ ឆ្នាំ២០២៦ ដើម្បីអបអរសាទរបុណ្យចូលឆ្នាំថ្មី ប្រពៃណីជាតិខ្មែរ ឆ្នាំមមី អដ្ឋស័ក ព.ស.២៥៧០ គ.ស.២០២៦ ព្រឹត្តិការណ៍នេះមានរយៈពេល៣ថ្ងៃ ចាប់ពីថ្ងៃទី១៤-១៦ ខែមេសា ឆ្នាំ២០២៦ ក្រោមបរិបទនៃការគោរពដឹងគុណ និងចងចាំជានិច្ចនូវវីរភាពដ៏អង់អាចក្លាហាន និងការលះបង់សាច់ស្រស់ឈាមស្រស់ និងអាយុជីវិតក្នុងបុព្វហេតុការពារបូរណភាពទឹកដីរបស់វីរកងទ័ព វីរនគបាលជាតិ សូមអញ្ជើញភ្ញៀវទេសចរ ពុក ម៉ែ បង ប្អូនប្រជាពលរដ្ឋគ្រប់ទិសទីចូលរួមឱ្យបានច្រើនកុះករ នៅសួនច្បារស្ថិតនៅក្រុងសែនមនោរម្យ ខេត្តមណ្ឌលគិរី។