នៅពេលនិយាយដល់ខេត្តមណ្ឌលគិរី គេតែងនឹកដល់ទឹកជ្រោះប៊ូស្រា ដែលជារមណីយដ្ឋានដ៏ល្បីល្បាញមួយប្រចាំខេត្តមណ្ឌលគិរី មានទេសភាពស្រស់ត្រកាល អមដោយព្រៃឈើតូចធំ។ ទឹកជ្រោះនេះ ស្ថិតនៅក្នុងឃុំប៊ូស្រា ស្រុកពេជ្រាដា ខេត្តមណ្ឌលគិរី មានចម្ងាយជាង ៣៣គីឡូម៉ែត្រ ពីរង្វង់មូលគោព្រៃ ទីរួមខេត្តមណ្ឌលគិរី។ ទឹកជ្រោះប៊ូស្រា មានទឹកជ្រោះ ២ដំណាក់៖ ដំណាក់ទី១ មានកម្ពស់ជាង ២០ម៉ែត្រ ជាទីដែលអ្នកទេសចរនិយមទៅទស្សនាច្រើនជាងគេ។ ចំណែកដំណាក់ទី២ ជាទីដែលអ្នកទេសចរកម្របានឃើញ។ ដើម្បីទៅកាន់ទឹកជ្រោះដំណាក់ទី២ យើងត្រូវធ្វើដំណើរឆ្លងកាត់ព្រៃ ប្រមាណ ១៥នាទី រួចត្រូវចុះតាមជញ្ជាំងថ្មដែលមានកម្ពស់ជាង ៤ម៉ែត្រ រួចបន្តដំណើរតាមជណ្ដើរឈើចុះមកក្រោម តាមផ្លូវឫស្សី៕ ប្រភពរូបភាពពី៖ Chhorn Somphos ឈន សម្ផស្ស