ចរាចរណ៍សរុបមានចំនួន ១១២,៧២៦ ដង ដែលបានចរាចរណ៍លើផ្លូវល្បឿនលឿនចាប់ពីថ្ងៃទី ២៣ ខែកុម្ភៈ ឆ្នាំ២០២៦ ដល់ថ្ងៃទី ១ ខែមិនា ឆ្នាំ២០២៦ យោងតាមរបាយការណ៍លំហូរចរាចរណ៍ប្រចាំសប្តាហ៍ គិតចាប់ពីថ្ងៃទី២៣ ខែកុម្ភៈ២០២៦ រហូតដល់ថ្ងៃទី១ ខែមិនា ឆ្នាំ២០២៦ ចរាចរណ៍លើផ្លូវល្បឿនលឿនសរុបមានចំនួន ១១២,៧២៦ ដង ក្នុងមួយសប្តាហ៍ ដែលក្នុងនោះមានការស្វែងរកជំនួយតាមទូរស័ព្ទសង្គ្រោះ ១៣៩៩ ចំនួន ១៧៥ ខ្សែ (បញ្ហាគ្រោះថ្នាក់ចរាចរណ៍ចំនួន ០ ករណី ស្វែងរកជំនួយចំនួន ៨១ ករណី និងប្រឹក្សាយោបល់សួរព័ត៌មានចំនួន ៩៤ ករណី)។ ក្រុមហ៊ុនផ្លូវល្បឿនលឿនភ្នំពេញ-ក្រុងព្រះសីហនុ សូមអំពាវនាវដល់បងប្អូនប្រជាពលរដ្ឋគ្រប់រូប មេត្តាអនុវត្តតាមលក្ខខណ្ឌក្នុងការប្រើប្រាស់ផ្លូវល្បឿនលឿន ព្រមទាំងចូលរួមគោរពច្បាប់ស្តីពីចរាចរណ៍ផ្លូវគោក ឱ្យបានខ្ជាប់ខ្ជួន កុំបើកបរលើសល្បឿនកំណត់ និងកុំបើកបរបញ្ច្រាសទិសចរាចរណ៍។ សូមបើកបរដោយសុវត្ថិភាព!