ការដង្ហែក្បួនរបស់បងប្អូនជនជាតិដើមភាគតិច នៅខេត្តមណ្ឌលគិរី គឺជាផ្នែកមួយនៃពិធីបុណ្យប្រពៃណី វប្បធម៌ ដែលបង្ហាញអត្តសញ្ញាណជាតិដើមដូចជា ពូនង ម្ហូន ក្រូល ស្ទៀង ជាដើម។ លក្ខណៈពិសេសនៃកម្មវិធីដង្ហែក្បួននេះគឺបង្ហាញពីសម្លៀកបំពាក់ប្រពៃណីអ្នកចូលរួមសម្លៀកពាក់ជនជាតិដើមភាគតិច មានលំនាំបុរាណ និងពណ៌ធម្មជាតិ។ ការរាំ និងភ្លេងបុរាណ បង្ហាញពីសម្ភារប្រើប្រាស់ប្រចាំថ្ងៃ បង្ហាញជីវភាពរស់នៅ ការប្រមូលផល របៀបរស់នៅបុរាណ។ រក្សា និងបន្តវប្បធម៌ជនជាតិដើម បង្ហាញអត្តសញ្ញាណជាតិ និងអភិរក្សប្រពៃណី ដើម្បីទាក់ទាញភ្ញៀវទេសចរ ឱ្យបានស្គាល់វប្បធម៌ ប្រពៃណី និងទំនៀមទំលាប់របស់ជនជាតិដើមដែលរស់នៅ ប្រកបមុខរបនៅខេត្តមណ្ឌលគិរី។ ការដង្ហែក្បួននេះធ្វើឱ្យភ្ញៀវទេសចរ បានយល់ដឹងពីជីវិត និងជំនឿរបស់ជនជាតិដើមភាគតិច រួមទាំងជួយលើកស្ទួយនូវវប្បធម៌ជនជាតិដើមឱ្យកាន់តែរីកចម្រើន។ ប្រភពវីដេអូ៖មន្ទីរទេសចរណ៍ខេត្តមណ្ឌលគិរី