វេទិសាធារណៈថ្នាក់ជាតិ ដើម្បីត្រួតពិនិត្យ និងគាំទ្រការអនុវត្តកម្មវិធីគោលនយោបាយ និងយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលសម្រាប់នីតិកាលទី៧ នៃរដ្ឋសភា នៅស្រុកពេជ្រាដា មណ្ឌលគិរី៖ នាព្រឹកថ្ងៃចន្ទ ទី១៦ ខែកុម្ភៈ ឆ្នាំ២០២៦ ឯកឧត្តម អ៉ីន តុងអាន អនុរដ្ឋលេខាធិការទីស្តីការគណៈរដ្ឋមន្ត្រី និងជានិងជាអនុប្រធានក្រុមការងាររាជរដ្ឋាភិបាលចុះមូលដ្ឋានស្រុកពេជ្រាដា អញ្ជើញជាអធិបតីក្នុងវេទិសាធារណៈថ្នាក់ជាតិ ដើម្បីត្រួតពិនិត្យ និងគាំទ្រការអនុវត្តកម្មវិធីគោលនយោបាយ និងយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលសម្រាប់នីតិកាលទី៧ នៃរដ្ឋសភា ដោយមានការអញ្ជើញចូលរួមពីសំណាក់ លោក ខាំផង ជា អភិបាលរងស្រុកពេជ្រាដា លោក លោកស្រី ជាសមាជិក ក្រុមការងារខេត្ត មន្ទីរ អង្គភាព ស្រុក ឃុំ និងសមត្ថកិច្ចពាក់ព័ន្ធក្នុងស្រុក ជាច្រើនរូបផងដែរ នៅភូមិឡៅរមៀត(ឡឥដ្ឋ) ឃុំក្រង់តេះ ស្រុកពេជ្រាដា ខេត្តមណ្ឌលគិរី។ ក្រោមការដឹកនាំ និងសម្របសម្រួលពីឯកឧត្តមអនុប្រធាន វេទិកានេះបានជជែកពិភាក្សាយ៉ាងផលផុស លើការឆ្លើយតប និងស្វែងរកដំណោះស្រាយជូនប្រជាពលរដ្ឋមូលដ្ឋាន ក៏ដូចជាផ្សព្វផ្សាយគោលនយោបាយ និងសមិទ្ធផលសំខាន់ៗរបស់រាជរដ្ឋាភិបាល ដែលសម្រេចបាន និងកំពុងអនុវត្ត ដើម្បីឱ្យប្រជាពលរដ្ឋបានជ្រាបច្បាស់ ដោយក្នុងវេទិកានេះដែរ ប្រជាពលរដ្ឋបានលើកឡើងពីសំណើ សំណូមពរលើវិស័យមួយចំនួន រួមមាន៖ វិស័យសុខាភិបាល អភិវឌ្ឍន៍ជនបទ កសិកម្ម ប្រៃសណីយ៍ និងទូរគមនាគមន៍ អប់រំ និងវិស័យដែនដី នគរូបនីយកម្ម និងសំណង់៕