កិច្ចប្រជុំ(Kick-off Meeting) នៃបេសកកម្មគាំទ្រការអនុវត្តរួមគ្នារវាងគម្រោង WaSSIP និង WASAC របស់ធនាគារពិភពលោក ទីស្ដីការក្រសួង៖ នាថ្ងៃអង្គារ ទី៣ ខែកុម្ភ: ឆ្នាំ២០២៦ ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន និងជានាយកគម្រោង បានអញ្ជើញដឹកនាំគណ:ប្រតិភូក្រសួង និងសមាជិក សមាជិកាគម្រោង ចូលរួមកិច្ចប្រជុំ(Kick-off Meeting) នៃបេសកកម្មគាំទ្រការអនុវត្តរួមគ្នា រវាងគម្រោង WaSSIP និង WASAC របស់ធនាគារពិភពលោក ដែលដឹកនាំដោយលោក កូវ ភីរម្យ ដោយមានការអញ្ជើញចូលរួមពី ឯកឧត្តមអនុរដ្ឋលេខាធិការ ប្រធានគ្រប់គ្រងគម្រោង សមាជិក-សមាជិកាគម្រោង ទីប្រឹក្សាគម្រោង តំណាងក្រសួង-ស្ថាប័នពាក់ព័ន្ធ និងក្រុមការងាររបស់ធនាគារពិភពលោក។ កិច្ចប្រជុំនេះធ្វើឡើងក្នុងគោលបំណងដើម្បី ពិនិត្យ និងពិភាក្សាអំពីវឌ្ឍនភាពការងារទូទៅរបស់គម្រោង រួមមាន៖ ផ្នែកលទ្ធកម្ម ផ្នែកហិរញ្ញវត្ថុ ផ្នែកគាំពារសង្គម និងបរិស្ថាន៕