ពិធីចែកវិញ្ញាបនបត្រសម្គាល់កម្មសិទ្ធិសមូហភាព ជូនសហគមន៍ជនជាតិដើមភាគតិចព្នង ភូមិឡាំមេះ ឃុំប៊ូស្រា ស្រុកពេជ្រាដា មណ្ឌលគិរី៖ នាថ្ងៃពុធ ទី២១ ខែមករា ឆ្នាំ២០២៦ ឯកឧត្តម សាយ សំអាល់ ឧបនាយករដ្ឋមន្រ្តី រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ អញ្ជើញជាអធិតីពិធីចែកវិញ្ញាបនបត្រសម្គាល់កម្មសិទ្ធិសមូហភាព ជូនសហគមន៍ជនជាតិដើមភាគតិចព្នង ភូមិឡាំមេះ ឃុំប៊ូស្រា ស្រុកពេជ្រាដា។ ពិធីនេះមានការអញ្ជើញចូលរួមពីសំណាក់ ឯកឧត្តម ថង សាវុន អភិបាល នៃគណៈអភិបាលខេត្តមណ្ឌលគិរី ឯកឧត្តម លោកជំទាវប្រតិភូក្រសួងរៀបចំដែនដី នគរូបនីយកម្ម និងសំណង់ មេបញ្ជាការកងកម្លាំងទាំង៣ លោក លោកស្រីប្រធានមន្ទីរ-អង្គភាពជុំវិញខេត្ត អភិបាល អភិបាលរងស្រុក មេបញ្ជាការកងកម្លាំងស្រុក មេឃុំ មេភូមិ និងបងប្អូនប្រជាពលរដ្ឋសហគមន៍ជនជាតិដើមភាគតិចភូមិឡាំមេះ ជាច្រើនរូប ដែលពិធីនេះធ្វើឡើងនៅសាលប្រជុំអគារក្រុមប្រឹក្សាស្រុកពេជ្រាដា៕