ក្រុមហ៊ុន Kumho E&C បាននាំមកនូវអំណោយ ដើម្បីជួយដល់បងប្អូនប្រជាពលរដ្ឋភៀសសឹកកម្ពុជា តាមការអំពាវនាវរបស់ក្រសួងសាធារណការ និងដឹកជញ្ជូន ទីស្តីការក្រសួង៖ នារសៀលថ្ងៃព្រហស្បតិ៍ ទី១៨ ខែធ្នូ ឆ្នាំ២០២៥ ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន និង ក្រុមកាងារសម្របសម្រួលមូលនិធិក្រសួង បានអញ្ជើញចូលរួមទទួល អំណោយសប្បុរសធម៌ពី ក្រុមហ៊ុន Kumho E&C រួមមានដូចជា៖ អង្ករ ១០០បាវ (១បាវស្មើ១០គីឡូ) ទឹកបរិសុទ្ធ ១៥០កេស មី ១៣០កេះ និងនំកញ្ចប់ ១០០ប្រអប់ ដើម្បីចូលរួមជាមួយក្រសួងសាធារណការនិងដឹកជញ្ជូន នាំយកទៅប្រគល់ ជូនបងប្អូនប្រជាពលរដ្ឋភៀសសឹកកម្ពុជាដែលកំពុងជួបការលំបាក។ នេះជាទឹកចិត្តដ៏ធំធេងដែលបានបង្ហាញនូវការគោរពស្រឡាញ់ និងគិតគូដល់បងប្អូនប្រជាពលរដ្ឋភៀសសឹក ដែលបាននិងកំពុងជម្លៀសចេញពីផ្ទះសម្បែងមកទីកន្លែងសុវត្ថិភាព។