កិច្ចពិភាក្សាសម្រេចលើរបាយការណ៍គោលនយោបាយធនធានមនុស្ស និងនីតិវិធីប្រតិបត្តិការស្តង់ដាបច្ចេកទេសសម្រាប់គ្រប់គ្រង និងថែទាំប្រព័ន្ធចម្រោះទឹកកខ្វក់ ទីស្ដីការក្រសួង៖ នារសៀលថ្ងៃចន្ទ ទី២៤ ខែវិច្ឆិកា ឆ្នាំ២០២៥ ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំពិភាក្សាការងារបច្ចេកទេស នៅសាលប្រជុំទីស្តីការក្រសួងសាធារណការ និងដឹកជញ្ជូន ដោយមានការអញ្ជើញចូលរួមពី ឯកឧត្តមអនុរដ្ឋលេខាធិការ ឯកឧត្តមអគ្គនាយក ថ្នាក់ដឹកនាំ និងមន្ត្រីជំនាញនៃអគ្គនាយកដ្ឋានប្រព័ន្ធចម្រោះទឹកកខ្វក់ តំណាងអគ្គនាយកដ្ឋានរដ្ឋបាល និងហិរញ្ញវត្ថុ តំណាងអគ្គនាយកដ្ឋានផែនការ និងគោលនយោបាយ ប្រធានមន្ទីរសាធារណការ និងដឹកជញ្ជូនខេត្តពោធិ៍សាត់ ប្រធានមន្ទីរសាធារណការ និងដឹកជញ្ជូនខេត្តសៀមរាប និងក្រុមការងារ តំណាងមន្ទីរសាធារណការ និងដឹកជញ្ជូនខេត្តបាត់ដំបង ប្រធានគ្រប់គ្រងគម្រោងស្តីទី និងសមាជិក ព្រមទាំងក្រុមការងារទីប្រឹក្សា។ កិច្ចប្រជុំបច្ចេកទេសនេះធ្វើឡើងដើម្បីពិនិត្យ និងពិភាក្សាសម្រេចលើរបាយការណ៍គោលនយោបាយធនធានមនុស្ស និងនីតិវិធីប្រតិបត្តិការស្តង់ដាបច្ចេកទេសសម្រាប់គ្រប់គ្រង និងថែទាំប្រព័ន្ធចម្រោះទឹកកខ្វក់ ដែលរៀបចំដោយទីប្រឹក្សាបច្ចេកទេស MPWT-CS-4A (Suez Consulting) នៃគម្រោងលើកកម្ពស់ការផ្គត់ផ្គង់ទឹកស្អាត និងអនាម័យ (Water Supply and Sanitation Improvement Project, IDA Credit No.6386-KH)៕