ខេត្តពោធិ៍សាត់៖ លោក ផន រឹម បញ្ជាក់របាយការណ៍បឋម ករណី រថភ្លើង ដឹកប្រេង បានក្រឡាប់ នៅវេលាម៉ោងវេលាម៉ោង ៦ និង ៣០នាទីព្រឹក ថ្ងៃទី១៧ ខែវិច្ឋិកា ឆ្នាំ២០២៥ ចំណុច PK191+600 ខ្សែដែកទិសខាងជើង ភូមិច្រេះ ឃុំអូរតាប៉ោង ស្រុកបាកាន ខេត្តពោធិ៍សាត់។ រថភ្លើងដឹកប្រេងមាន ២៤ ទូរ និងក្បាលរថភ្លើងលេខ ៦៥៣៥ ចេញដំណើរពីភ្នំពេញ ទៅស្ថានីយ៍បឹងព្រីង ខេត្តបាត់ដំបង ធ្លាក់ទូរប្រេងចំនួន ៣ ទូរ មិនមានគ្រោះដល់មនុស្ស មូលហេតុបឋម នៃឧបទ្ទវហេតុ ៖ បញ្ហា ផ្លូវស្រុត។ វិធានការណ៍បន្ទាន់ ក្រុមហ៊ុន រ៉ូយ៉ាល់ រ៉េល បានបញ្ជូនអ្នកគ្រប់គ្រងសុវត្ថិភាពម្នាក់ និងក្រុមជួសជុលផ្លូវដែក ទៅកន្លែង កើតហេតុ។ រថយន្តបូមប្រេងពីក្រុមហ៊ុន សូគីម៉ិច បានមកដល់កន្លែងដើម្បី ប្រមូលប្រេងឥន្ធនៈដែលកំពប់ រថយន្តស្ទូច ចំនួន២គ្រឿង ត្រូវបានបញ្ជូនទៅកាន់កន្លែងកើតហេតុ ហើយមានចម្ងាយប្រមាណ២០គីឡូម៉ែត្រ ។