សន្និសីទប្រចាំឆ្នាំ២០២៥ ស្តីពី China (Chongqing)-ASEAN Logistics Industry Cooperation Conference និង វេទិកា ស្តីពីការអភិវឌ្ឍសេដ្ចកិច្ចតាមបណ្តោយរបៀងពាណិជ្ជកម្មអន្តរជាតិថ្មី (ផ្លូវគោក-ផ្លូវសមុទ្រ) នៅសាធារណរដ្ឋប្រជាមានិតចិន ទីក្រុងឆុងឈីង៖ ចាប់ពីថ្ងៃទី ១១ ដល់ថ្ងៃទី ១៤ ខែវិច្ឆិកា ឆ្នាំ២០២៥ ឯកឧត្តម ហេង ណន រដ្ឋលេខាធិការ ក្រសួងសាធារណការ និងដឹកជញ្ជូន បានដឹកនាំគណៈប្រតិភូកម្ពុជា អមដំណើរដោយលោកធាននាយកដ្ឋានភស្តុភារកម្ម នៃអគ្គនាយកដ្ឋានភស្តុភារកម្ម ក្រសួងសាធារណការនិងដឹកជញ្ជូន និងវិស័យឯកជន ដើម្បីចូលរួមសន្និសីទប្រចាំឆ្នាំ២០២៥ ស្តីពី China (Chongqing)-ASEAN Logistics Industry Cooperation Conference និង វេទិកា ស្តីពីការអភិវឌ្ឍសេដ្ចកិច្ចតាមបណ្តោយរបៀងពាណិជ្ជកម្មអន្តរជាតិថ្មី (ផ្លូវគោក-ផ្លូវសមុទ្រ) - (Forum on Economic Development Along New International Land-Sea Trade Corridor) នៅទីក្រុងឆុងឈីង នៃសាធារណរដ្ឋប្រជាមានិតចិន។ គោលបំណងនៃការចូលរួមសន្និសីទ និង វេទិកានៅប្រទេសចិននេះគឺ ដើម្បីបន្តកិច្ចសហប្រតិបត្តិការឧស្សាហកម្មភស្តុភារកម្មចិន-អាស៊ាន ក្នុងទីផ្សារបើកចំហរនៅតំបន់ RCEP ដោយពង្រឹងការតភ្ជាប់ទំនាក់ទំនងក្នុងវិស័យកសិកម្មឧស្សាហកម្មផលិតផល សម្រាប់ជំរុញកំណើនថ្មីនៃពាណិជ្ជកម្ម ព្រមទាំងការវិនិយោគរបស់ China-ASEAN និងផ្តោតសំខាន់ទៅលើកិច្ចសហប្រតិបត្តិការរវាងគ្នាទៅវិញទៅមក និងជួយដល់ឧស្សាហកម្មភស្តុភារកម្មនៃបណ្តាប្រទេសជាសមាជិក រួមទាំងសហគ្រាសពាក់ព័ន្ធផងដែរ៕