ការសិក្សាបឋមសម្រាប់ផែនការកែលម្អ និងធ្វើឱ្យប្រសើរនូវប្រសិទ្ធភាពផ្លូវដែកទាំងពីរខ្សែនៅកម្ពុជា ទីស្ដីការក្រសួង៖ នាព្រឹកថ្ងៃចន្ទ ទី១០ ខែវិច្ឆិកា ឆ្នាំ២០២៥ លោកជំទាវ កុយ សុដានី រដ្ឋលេខាធិការប្រចាំការ ក្រសួងសាធារណការ និងដឹកជញ្ជូន អញ្ជើញដឹកនាំកិច្ចប្រជុំដំបូង (Kick-off Meeting) រវាងក្រសួងសាធារណការ និងដឹកជញ្ជូន និងតំណាងក្រសួងដែនដី ហេដ្ឋារចនាសម្ព័ន្ធ ដឹកជញ្ជូន និងទេសចរណ៍ជប៉ុន (MLIT) ក្នុងគម្រោង “Preliminary Survey for Improvement of Railway in Cambodia” ដោយមានការចូលរួមពីថ្នាក់ដឹកនាំក្រសួង ឯកឧត្ដមអនុរដ្ឋលេខាធិការ គណៈប្រតិភូទីភ្នាក់ងារសហប្រតិបត្តិការអន្តរជាតិជប៉ុន (JICA) តំណាងក្រុមហ៊ុន Nippon Koei, JR West, JR-Freight, KRC, KYOSAN និងមន្ត្រីបច្ចេកទេសជំនាញពាក់ព័ន្ធ។ កិច្ចប្រជុំនេះរៀបចំឡើងដើម្បីពិនិត្យលើការសិក្សាបឋមសម្រាប់ការកែលម្អ និងអភិវឌ្ឍផ្លូវដែកទាំងពីរខ្សែនៅកម្ពុជាក្រោមជំនួយបច្ចេកទេសពីក្រសួង MLIT ប្រទេសជប៉ុន៕