កិច្ចប្រជុំលើកទី៣៨ (38th LTSSWG) នៃក្រុមការងារវិស័យសេវាដឹកជញ្ជូន និងភស្តុភារកម្ម (Transport and Logistics Service Sectoral Working Group) ទីក្រុងញ៉ាត្រាង ប្រទេសវៀតណាម៖ នាថ្ងៃសុក្រ ទី០៧ ខែវិច្ឆិកា ឆ្នាំ២០២៥ ឯកឧត្តម ឈៀង ពេជ្រ អនុរដ្ឋលេខាធិការ ក្រសួងសាធារណការ និងដឹកជញ្ជូន បានអញ្ជើញចូលរួមកិច្ចប្រជុំលើកទី៣៨ នៃក្រុមការងារវិស័យសេវាដឹកជញ្ជូន និងភស្តុភារកម្ម ដោយមានការចូលរួមអមដោយមន្រ្តីជំនាញនៃអគ្គនាយកដ្ឋានភស្តុភារកម្ម និងមានការអញ្ជើញចូលរួមពីគ្រប់បណ្ដាប្រទេសជាសមាជិកនៃក្រុមការងារវិស័យសេវាដឹកជញ្ជូន និងភស្តុភារកម្ម ផងដែរ។ គោលបំណងសំខាន់នៃកិច្ចប្រជុំ 38th LTSSWG គឺដើម្បី៖ (១) ពិនិត្យមើលវឌ្ឍនភាពការងារនៅក្នុងផែនការសកម្មភាព ២០២៥ ដែលបាន អនុវត្តកន្លងមក, (២) រៀបចំផែនការសកម្មភាពឆ្នាំ២០២៦-២០៣០ និង (៣) ចែករំលែកនូវបទពិសោធធន៍ ឧត្តមានុវត្ត និងការអភិឌ្ឍលើវិស័យដឹកជញ្ជូន និងភស្តុភារកម្ម នៅតាមបណ្ដាប្រទេសសមាជិកអាស៊ាននីមួយៗ។ ក្នុងឱ្យកាសនោះដែរ ឯកឧត្តមអនុរដ្ឋលេខាធិការ បានធ្វើបច្ចុប្បន្នភាពនៃការរៀបចំសេចក្ដីព្រាងច្បាប់ស្ដីពី «ភស្ដុភារកម្ម» ជូនដល់កិច្ចប្រជុំ 38th LTSSWG ។ ជាលទ្ធផល គម្រោង “AHKFTA Occupational Standard Framework for Warehouse Controller and Freight Forwarder Profession” មានកិច្ចសហការរវាងអាស៊ាន-ហុងកុង ដោយផ្ដោតចម្បងលើ ២ផ្នែក ដូចជា(១) ស្ដង់ដារប្រតិបត្តិការឃ្លាំង (Warehouse Controller) និង (២) វិជ្ជាជីវៈភ្នាក់ងារបញ្ជូនទំនិញ (Freight Forwarder Profession) ដែលទាមទារឱ្យមានការចាត់តំណាងចូលរូមអនុវត្តរួមគ្នាពីបណ្តាសមាជិកប្រទេសអាស៊ានទាំងអស់៕