កិច្ចប្រជុំតាមដានវឌ្ឍនភាពការងារសុវត្ថិភាពចរាចរណ៍ផ្លូវគោករយៈពេល៩ខែ ឆ្នាំ២០២៥ ជាមួយដៃគូអភិវឌ្ឍន៍ អង្គការជាតិ អន្តរជាតិ និងវិស័យឯកជន ទីស្តីការក្រសួង៖ នាថ្ងៃព្រហស្បតិ៍ ទី៣០ ខែតុលា ឆ្នាំ២០២៥ លោកជំទាវ មឹន មាណវី រដ្ឋលេខាធិការ ក្រសួងសាធារណការ និងដឹកជញ្ជូន ដឹកនាំកិច្ចប្រជុំតាមដានវឌ្ឍនភាពការងារសុវត្ថិភាពចរាចរណ៍ ផ្លូវគោករយៈពេល៩ខែ ឆ្នាំ២០២៥ ជាមួយដៃគូអភិវឌ្ឍន៍ អង្គការជាតិ អន្តរជាតិ និងវិស័យឯកជន ដោយមានការអញ្ជើញចូលរួមពីតំណាងក្រសួងមហាផ្ទៃ និងតំណាងអង្គការ ក្រុមហ៊ុន និងវិស័យឯកជន។ កិច្ចប្រជុំនេះរៀបចំឡើងដើម្បីឱ្យស្ថាប័នរដ្ឋាភិបាល ដៃគូអភិវឌ្ឍន៍ អង្គការជាតិនិងអន្តរជាតិ និងវិស័យឯកជន មានឱកាសធ្វើការចែករំលែកអំពីបទពិសោធន៍ និងសកម្មភាពរបស់ស្ថាប័ននីមួយៗដែលបានចូលរួមលើកម្ពស់សុវត្ថិភាពចរាចរណ៍នៅកម្ពុជា តាមវិធីសាស្ត្រ សកម្មភាពផ្សេងៗ បង្កើតប្រព័ន្ធគាំទ្រគ្នា និងបង្កើនទំនាក់ទំនង សហប្រតិបត្តិការវាងគ្នា និងគ្នានៃស្ថាប័ន ក្នុងការរួបរួមគ្នាអនុវត្តនូវសកម្មភាពនានា ដែលអាចសម្រេចនូវគោលដៅរួមលើការទប់ស្កាត់កាត់បន្ថយគ្រោះថ្នាក់ចរាចរណ៍ផ្លូវគោកនៅកម្ពុជាឱ្យមកត្រឹមកម្រិតទាប៕