មន្ត្រីជំនាញបានចុះត្រួតពិនិត្យវឌ្ឍនភាពការងារគម្រោងហេដ្ឋារចនាសម្ព័ន្ធប្រព័ន្ធចម្រោះទឹកកខ្វក់ និងប្រព័ន្ធលូ គម្រោងឆ្នាំ២០២៥ ក្នុងភូមិសាស្ត្រក្រុងព្រះវិហារ និងក្រុងសិរីសោភ័ណ នៅថ្ងៃទី១៤-១៥ ខែតុលា ឆ្នាំ២០២៥ មន្ត្រីបច្ចេកទេសតំណាងអគ្គនាយកដ្ឋានប្រព័ន្ធចម្រោះទឹកកខ្វក់ និងមន្ត្រីត្រួតពិនិត្យបច្ចេកទេសគម្រោងរបស់នាយកដ្ឋានហេដ្ឋារចនាសម្ព័ន្ធសាធារណៈ នៃអគ្គនាយកដ្ឋានបច្ចេកទេស បានចុះត្រួតពិនិត្យវឌ្ឍនភាពការងារគម្រោងហេដ្ឋារចនាសម្ព័ន្ធប្រព័ន្ធចម្រោះទឹកកខ្វក់ និងប្រព័ន្ធលូ គម្រោងឆ្នាំ២០២៥ ក្នុងភូមិសាស្ត្រក្រុងព្រះវិហារ ខេត្តព្រះវិហារ និងក្រុងសិរីសោភ័ណ ខេត្តបន្ទាយមានជ័យ រួមមាន៖ ១) គម្រោងស្ថាបនាលូអ៊ុយ ប្រវែងសរុប ២,០១៥ម ទំហំ ៥០០មម កម្ពស់ជាមធ្យម ៧០០មម ស្ថិតនៅកំណាត់ផ្លូវកោះកេរ ចន្លោះគ.ម២+៨២៥ ដល់គ.ម៣+៧៧០ និងចន្លោះគ.ម៥+០៦២ ដល់គ.ម៥+៣៩២ ក្នុងសង្កាត់កំពង់ប្រណាក ក្រុងព្រះវិហារ ដែលអនុវត្តដោយមន្ទីរសាធារណការ និងដឹកជញ្ជូនខេត្តព្រះវិហារ។ ២) ការងារស្ថាបនាលូអ៊ុយមុខកាត់ ០,៩៥ម ប្រវែង ៦៣០ម ចាប់ពីចន្លោះគ.ម៤១៣+៣០៥ ដល់គ.ម៤១៣+៩៣៥ ផ្នែកខាងឆ្វេងដៃ និងពង្រីកផ្លូវដោយចាក់ក្រាលបេតុងសរសៃដែក ចាប់ពីចន្លោះគ.ម៤១៣+៨០៥ ដល់គ.ម៤១៥+០០០ ផ្នែកខាងស្តាំដៃទំហំ ២ ២៦៧,៥ម២ និងចាប់ពីចន្លោះគ.ម៤១៣+៣០៥ ដល់គ.ម៤១៤+៤៩០ ផ្នែកខាងឆ្វេងដៃ ទំហំ ២ ២៥៧,៥ម២ សរុបទំហំ ៤ ៥២៥ម២ ស្ថិតនៅកំណាត់ផ្លូវជាតិលេខ៦ ក្នុងសង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ ដែលអនុវត្តដោយមន្ទីរសាធារណការ និងដឹកជញ្ជូនខេត្តបន្ទាយមានជ័យ៕