កិច្ចប្រជុំគណៈកម្មការត្រៀមរៀបចំ ពិធីដង្ហែអង្គកឋិនទានមហាសាមគ្គីគ្រួសារខ្មែរ ទៅកាន់វត្តព្រែកអំបិល ឃុំព្រែកអំបិល ស្រុកស្អាង ខេត្តកណ្ដាល ទីស្តីការក្រសួង៖ ថ្ងៃព្រហស្បតិ៍ ទី១៦ ខែតុលា ឆ្នាំ២០២៥ លោកជំទាវ កុយ សុដានី រដ្ឋលេខាធិការប្រចាំការក្រសួងសាធារណការ និងដឹកជញ្ជូន និងជាប្រធានគណៈកម្មការ បានអញ្ជើញដឹកនាំកិច្ចប្រជុំគណៈកម្មការត្រៀមរៀបចំពិធីដង្ហែអង្គកឋិនទានមហាសាមគ្គីគ្រួសារខ្មែរ ទៅកាន់វត្តព្រែកអំបិល ឃុំព្រែកអំបិល ស្រុកស្អាង ខេត្តកណ្ដាល ដោយមានការចូលរួមពីថ្នាក់ដឹកនាំ ឯកឧត្តមអនុរដ្ឋលេខាធិការ ឯកឧត្តអគ្គនាយក លោក-លោកស្រី នៃអង្គភាពពាក់ព័ន្ធក្រោមឱវាទក្រសួងចូលរួមផងដែរ។ កិច្ចប្រជុំនេះរៀបចំឡើងក្នុងគោលបំណងដើម្បីពិភាក្សាលើកិច្ចការដែលគណៈកម្មការគ្រប់គ្រងកម្មវិធីបុណ្យបានចាត់តាំង និងត្រូវធ្វើយ៉ាងណាឱ្យមានភាពរលូន ជូនថ្នាក់ដឹកនាំ និងអ្នកចូលរួមពិធី៕