សិក្ខាសាលាលើកទី២ ស្តីពី “ថ្នាក់ដឹកនាំបុរសគំរូ សម្រាប់ហេដ្ឋារចនាសម្ព័ន្ធប្រកបដោយបរិយាបន្ន - ការចែករំលែកបទពិសោធន៍ និងការប្តេជ្ញាចិត្តសម្រាប់ពេលអនាគត (Male Champion for Change in Inclusive Infrastructure - Sharing Experiences and Future Commitments)” ទីស្ដីការក្រសួង៖ នាថ្ងៃអង្គារ ទី១៤ ខែតុលា ឆ្នាំ២០២៥ លោកជំទាវ មឹន មាណវី រដ្ឋលេខាធិការ បានអញ្ជើញចូលរួមជាគណៈអធិបតីក្នុងសិក្ខាសាលាលើកទី២ ស្តីពី“ថ្នាក់ដឹកនាំបុរសគំរូ សម្រាប់ហេដ្ឋារចនាសម្ព័ន្ធប្រកបដោយបរិយាបន្ន - ការចែករំលែកបទពិសោធន៍ និងការប្តេជ្ញាចិត្តសម្រាប់ពេលអនាគត (Male Champion for Change in Inclusive Infrastructure - Sharing Experiences and Future Commitments)” ដោយមានការអញ្ជើញចូលរួមពីថ្នាក់ដឹកនាំជាបុរស និងសមាជិក សមាជិកា នៃគណៈកម្មការទទួលបន្ទុកយេនឌ័រ និងយន្តការគាំទ្រ នៃក្រសួងសាធារណការ និងដឹកជញ្ជូន ប្រមាណ ៥០រូប។ សិក្ខាសាលានេះ រៀបចំឡើងក្នុងគោលបំណងចែករំលែកបទពិសោធន៍ពីថ្នាក់ដឹកនាំជាបុរស ក្នុងការលើកកម្ពស់ភាពជាអ្នកដឹកនាំរបស់ស្ត្រីក្នុងវិស័យសាធារណការ និងដឹកជញ្ជូន និងបង្ហាញការប្តេជ្ញាចិត្តសម្រាប់ពេលអនាគត ក្នុងការគាំទ្រកិច្ចខិតខំប្រឹងប្រែងក្នុងសកម្មភាពយេនឌ័រ ពិការភាព និងការដាក់បញ្ចូលគោលការណ៍បរិយាបន្នសង្គម (GEDSI) ក្នុងវិស័យសាធារណការ និងដឹកជញ្ជូន៕