កិច្ចប្រជុំស្ដីអំពី "បេសកកម្មគាំទ្រការអនុវត្តនៃគម្រោងការពន្លឿនការផ្គត់ផ្គង់ទឹកស្អាត និងអនាម័យ (WASAC) និងគម្រោងលើកកម្ពស់ការផ្គត់ផ្គង់ទឹកស្អាត និងអនាម័យ (WASSIP)" ភ្នំពេញ៖ នារសៀលថ្ងៃចន្ទ ទី១៣ ខែតុលា ឆ្នាំ២០២៥ ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន និងជានាយកគម្រោង បានអញ្ជើញដឹកនាំក្រុមការងារអនុវត្តគម្រោង ចូលរួមកិច្ចប្រជុំស្ដីអំពី "បេសកកម្មគាំទ្រការអនុវត្តនៃគម្រោងការពន្លឿនការផ្គត់ផ្គង់ទឹកស្អាត និងអនាម័យ (WASAC) និងគម្រោងលើកកម្ពស់ការផ្គត់ផ្គង់ទឹកស្អាត និងអនាម័យ (WASSIP) ដែលប្រព្រឹត្តទៅ ចាប់ពីថ្ងៃទី១៣ ដល់ថ្ងៃទី២៤ ខែតុលា ឆ្នាំ២០២៥ របស់ក្រុមការងារធនាគារពិភពលោក(World Bank)។ កិច្ចប្រជុំនេះមានការអញ្ជើញចូលរួមពី ឯកឧត្តម ស៊ឹម ស៊ីថា រដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ឯកឧត្តមអនុរដ្ឋលេខាធិការ និងសមាជិកអង្គភាពគ្រប់គ្រង នៃក្រសួងសាធារណការ និងដឹកជញ្ជូន តំណាងក្រសួងសេដ្ឋកិច្ច និងហិរញ្ញវត្ថុ និងក្រុមការងារបេសកម្មរបស់ធនាគារពិភពលោក (WB )។ កិច្ចប្រជុំនេះរៀបចំឡើងក្នុងគោលបំណង ដើម្បីពិនិត្យ និងវាយតម្លៃអំពីវឌ្ឍនភាពការងារដែលបានអនុវត្តនាពេលកន្លងមក និងពិភាក្សាអំពីសកម្មភាពសំខាន់ៗសម្រាប់ការពន្លឿនការអនុវត្ត និងកែលម្អការអនុវត្តគម្រោងដើម្បីឆ្ពោះទៅសម្រេចបាននូវលទ្ធផលល្អប្រសើរ៕