ទឹកធ្លាក់មនោរម្យ (ឬសែនមនោរម្យ) ឬទឹកធ្លាក់ដំណាក់ស្តេច មានទីតាំងស្ថិតនៅក្នុងភូមិដើមស្រល់ ឃុំមនោរម្យ ក្រុងសែនមនោរម្យ ខេត្តមណ្ឌលគិរី និងមានចម្ងាយប្រហែល ១០គីឡូម៉ែត្រពីរង្វង់មូលគោព្រៃ។ ទឹកធ្លាក់នេះ មានទឹកធ្លាក់ ៣ដំណាក់ផងដែរគឺ ដំណាក់ទីមួយមានកម្ពស់ ១ម៉ែត្រ ដំណាក់ទីពីរមានកម្ពស់ ៧ម៉ែត្រ ជាទីដែលសម្បូរមនុស្សទៅកម្សាន្ត និងដំណាក់ទីបី មានកម្ពស់ ១,៥ម៉ែត្រ មានចម្ងាយ១គីឡូម៉ែត្របន្តទៀតពីទឹកធ្លាក់ទីពីរ ហើយតំណាក់ទី៣ ពុំសូវមានមនុស្សទៅកម្សាន្តនោះទេ។ សម្រាប់ការធ្វើដំណើរដើម្បីទៅដល់ទីតាំងនៃរមណីយដ្ឋានទឹកជ្រោះសែនមនោរម្យ ភ្ញៀវទេសចរមានភាពងាយស្រួល ពីព្រោះមិនមានការធ្វើដំណើរថ្មើរជើង និងធ្វើដំណើរឆ្លងទឹក ឬក៏ជិះទូកឡើយ៕ ប្រភពពី៖ Mondulkiri Explore