មន្ត្រីបច្ចេកទេសរបស់ក្រសួងសាធារណការ និងដឹកជញ្ជូន ទទួលបន្ទុកប្រព័ន្ធចម្រោះទឹកកខ្វក់ចំនួន៨រូប ចូលរួមវគ្គបណ្តុះបណ្តាល ស្ដីពីការគ្រប់គ្រងទឹកកខ្វក់ ការប្រើប្រាស់ឡើងវិញ និងប្រព័ន្ធអនាម័យសម្រាប់ទាំងអស់គ្នាក្នុងទីក្រុង (CWIS) នៅប្រទេសសិង្ហបុរី សិង្ហបុរី៖ ចាប់ពីថ្ងៃទី៧-១០ ខែតុលា ឆ្នាំ២០២៥ មន្ត្រីបច្ចេកទេសរបស់ក្រសួងសាធារណការ និងដឹកជញ្ជូន ទទួលបន្ទុកប្រព័ន្ធចម្រោះទឹកកខ្វក់ចំនួន៨រូប ចូលរួមវគ្គបណ្តុះបណ្តាល ស្ដីពីការគ្រប់គ្រងទឹកកខ្វក់ ការប្រើប្រាស់ឡើងវិញ និងប្រព័ន្ធអនាម័យសម្រាប់ទាំងអស់គ្នាក្នុងទីក្រុង (CWIS) ដោយមានអ្នកចូលរួមមកពីបណ្ដាប្រទេសចំនួន ៨ រួមមាន៖ ប្រទេសកម្ពុជា វៀតណាម ហ្វីលីពីន បង់ក្លាដែស ឥណ្ឌា ប៉ាគីស្ថាន ឥណ្ឌូនេស៊ី និងថៃ សរុបចំនួន ៤៤នាក់។ វគ្គបណ្ដុះបណ្ដាលនេះរៀបចំឡើងផ្ដោតសំខាន់ទៅលើប្រធានបទមួយចំនួនដូចជា៖ បញ្ហាប្រឈមជាសកល (The Global Challenges) វិធីសាស្រ្តគ្រប់គ្រងទឹកកខ្វក់របស់ប្រទេសសិង្ហបុរី (Singapore's Approach to Wastewater Management) ប្រព័ន្ធអនាម័យសម្រាប់ទាំងអស់គ្នាក្នុងទីក្រុង (Citywide Inclusive Sanitation, CWIS) ភាពជាដៃគូរវាងរដ្ឋនិងឯកជនក្នុងការគ្រប់គ្រងទឹកកខ្វក់ (PPPs in Wastewater Management) គោលការណ៍សេដ្ឋកិច្ចចក្រាក្នុងវិស័យទឹក (Circular Economy Principles in Water) និងបច្ចេកវិទ្យាសម្រាប់ការប្រើប្រាស់ទឹកឡើងវិញ (Technologies for Water reuse) ព្រមទាំងមានដំណើរទស្សនកិច្ចសិក្សាទៅកាន់ទំនប់ទឹក Marina Barrage និងស្ថានីយស្ដារទឹកស្អាតឆាងជី (Changi Water Reclamation Plant, CWRP)៕