ទស្សនកិច្ចរបស់គណៈប្រតិភូគណៈកម្មការទី៩ព្រឹទ្ធសភា ដើម្បីឈ្វេងយល់អំពីវឌ្ឍនភាពការងារនៅវិទ្យាស្ថានតេជោសែន សាធារណការ និងដឹកជញ្ជូន ទីស្តីការក្រសួង៖ នារសៀលថ្ងៃពុធ ទី១ ខែតុលា ឆ្នាំ២០២៥ ឯកឧត្តម ហេង ណន រដ្ឋលេខាធិការ ក្រសួងសាធារណការ និងដឹកជញ្ជូន បានអញ្ជើញទទួលស្វាគមន៍ និងជួបពិភាក្សាការងារជាមួយប្រតិភូ គណៈកម្មការសាធារណការ ដឹកជញ្ជូន អាកាសចរណ៍ស៊ីវិល ប្រៃសណីយ៍ ទូរគមនាគមន៍ ឧស្សាហកម្ម វិទ្យាសាស្ត្រ បច្ចេកវិទ្យា នវានុវត្តន៍ រ៉ែ ថាមពល ពាណិជ្ជកម្ម រៀបចំដែនដី នគរូបនីយកម្ម និងសំណង់ នៃព្រឹទ្ធសភា (គណៈកម្មការទី៩) ដឹកនាំដោយឯកឧត្តម អ៊ុំ សារឹទ្ធ ប្រធានគណៈកម្មការទី៩ព្រឹទ្ធសភា អញ្ជើញមកទស្សនកិច្ចនៅវិទ្យាស្ថានតេជោសែន សាធារណការ និងដឹកជញ្ជូន។ គោលបំណងនៃកិច្ចជំនួបនេះ គឺដើម្បីឈ្វេងយល់អំពីវឌ្ឍនភាពការងារដែលវិទ្យាស្ថានសម្រេចបានពាក់ព័ន្ធនឹងគោលនយោបាយ យុទ្ធសាស្ត្រ ការបណ្តុះបណ្តាលជំនាញ បញ្ហាប្រឈម និងដំណោះស្រាយ ព្រមទាំងទិសដៅ និងផែនការសកម្មភាពរបស់វិទ្យាស្ថាន។ សូមជម្រាបជូនដែរថា កិច្ចជំនួបពិភាក្សានេះមានការអញ្ជើញចូលរួមពីសំណាក់ ឯកឧត្តមអនុប្រធានគណៈកម្មាការ និងឯកឧត្តម ជាសមាជិកគណៈកម្មាការទី៩ នៃព្រឹទ្ធសភា ឯកឧត្តមអនុរដ្ឋលេខាធិការទទួលបន្ទុក ឯកឧត្តមនាយកវិទ្យាស្ថាន អស់ លោក លោកស្រី ជាថ្នាក់ដឹកនាំវិទ្យាស្ថាន និងមន្ត្រីនៃអគ្គលេខាធិការដ្ឋានព្រឹទ្ធសភាផងដែរ៕