ពិធីបិទវគ្គបណ្ដុះបណ្ដាលអប់រំនយោបាយរបស់គណបក្សខេត្តជំនាន់ទី៣៧ សម្រាប់មន្រ្តីគណបក្ស សរុបប្រមាណ ១០០ នាក់ មកពីការិយាល័យ អង្គភាពជុំវិញស្រុកកោះធំ កោះធំ៖ ថ្ងៃសុក្រ ១២រោច ខែភទ្របទ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី១៩ ខែកញ្ញា ឆ្នាំ២០២៥ ឯកឧត្តម តាំង សាមឿន សមាជិកក្រុមការងារគណបក្សចុះមូលដ្ឋានខេត្តកណ្តាល តំណាងដ៏ខ្ពង់ខ្ពស់ ឯកឧត្តម ប៉េង ពោធិ៍នា សមាជិកគណៈអចិន្ត្រៃយ៍គណៈកម្មាធិការកណ្តាលគណបក្សប្រជាជនកម្ពុជា និងជាប្រធានក្រុមការងារគណបក្សចុះមូលដ្ឋានស្រុកកោះធំ អញ្ជើញជាអធិបតីភាពក្នុង ពិធីបិទវគ្គបណ្ដុះបណ្ដាលអប់រំនយោបាយរបស់គណបក្សខេត្តជំនាន់ទី៣៧ សម្រាប់មន្រ្តីគណបក្ស ការិយាល័យ អង្គភាពជុំវិញស្រុក នៅស្នាក់ការគណបក្សស្រុក ដោយមានសមាសភាពចូលរួមពី ឯកឧត្តម លោកជំទាវ លោក លោកស្រី ក្រុមការងារគណបក្សចុះមូលដ្ឋានស្រុក គ្រូឧទ្ទេស គ្រូជំនួយគណបក្សខេត្ត គណៈកម្មាធិការគណបក្សស្រុក គណៈកម្មាធិការគណបក្សមូលដ្ឋានមន្ទីរពេទ្យតេជោកោះធំ វិ.ហស កោះធំ វិ.ប៊ុនរ៉ានីហ៊ុនសែនព្រែកតាដួង សាខាវិ.ហស កំពង់កុង សាខាបក្សបឋមសិក្សា សាខាបក្សការិយាល័យ សាខា ស២៦ ស២៧គណៈកម្មាធិការគណបក្សឃុំព្រែកថ្មី មន្ត្រីកសិកម្មឃុំ យុវជន បណ្តាញស្រ្តីឃុំ គ្រូមត្តេយ្យសហគមន៍ សកម្មជនយុវជនភូមិ បណ្តាញស្ត្រីភូមិ ប៉ុស្តិ៍រដ្ឋបាល មណ្ឌលសុខភាព កម្មករសិប្បកម្ម សរុប ១០០នាក់ ស្រី៥៦នាក់ ។ ថ្លែងក្នុងឱកាសនោះផងដែរ ឯកឧត្តមគណធិបតី បានពាំនាំការសួរសុខទុក្ខ និងជូនពរពីសំណាក់ ឯកឧត្តមប្រធាន ជូនចំពោះសិក្ខាកាម ក៏ដូចមន្រ្តីបុគ្គលិកបម្រើការងារបក្ស ដែលបានចូលរួមក្នុងវគ្គសិក្សានេះ អំពី ក្តីនឹករឭក និងស្រឡាញ់ដ៏ជ្រាលជ្រៅ។ ដោយបានអរគុណដល់សិក្ខាកាមទាំងអស់ដែលបានគោរពពេលម៉ោងសិក្សា ចំណាយពេលវេលាដោយយកចិត្តទុកដាក់ត្រងត្រាប់ស្តាប់នូវការចែករំលែកនូវបទពិសោធន៍របស់គ្រូឧទ្ទេសនាម សម្រាប់ធ្វើជាមូលដ្ឋានគ្រឹះសម្រាប់ធ្វើការផ្សព្វផ្សាយបន្ត។ ក្នុងឱកាសនោះដែរ ឯកឧត្តម បានផ្តល់នូវអនុសាសន៍មួយចំនួនដល់សិក្ខាកាម ដើម្បីពិនិត្យពិចារណា និងធ្វើការច្នៃប្រឌិតបន្ថែម សម្រាប់ការអនុវត្តរាល់ភារកិច្ច ដើម្បីទទួលបាននូវប្រសិទ្ធភាពកាន់តែប្រសើរ និងស្របតាមលក្ខណៈជាក់ស្តែង នៃគណៈកម្មាធិការគណបក្សមូលដ្ឋាន សាខាបក្សអង្គភាពនីមួយៗរបស់ខ្លួន។ ជាចុងក្រោយ ឯកឧត្តម ក៏បានលើកទឹកចិត្តដល់សិក្ខាកាមគ្រប់រូប ក៏ដូចសមាជិកគណបក្សទាំងអស់ សូមបន្តរួមសាមគ្គីគ្នាជាធ្លុងមួយ និងត្រូវមានភាពជឿជាក់ និងគាំទ្រយ៉ាងស្មោះស្ម័គ្រចំពោះថ្នាក់ដឹកនាំរបស់គណបក្ស ដែលមានសម្តេចអគ្គមហាសេនាបតីតេជោ ហ៊ុន សែន ជាប្រធានគណបក្ស និង សម្តេចមហាបវរធិបតី ហ៊ុន ម៉ាណែត អនុប្រធានគណបក្ស និងជានាយករដ្ឋមន្ត្រី នៃរាជរដ្ឋាភិបាល សម្រាប់នីតិកាលទី៧ នៃរដ្ឋសភា ដែលសម្តេចទាំងពីរបានបន្តការពារ កសាង និងការអភិវឌ្ឍប្រទេសកម្ពុជាយើង ប្រកបដោយភាពជឿនលឿន ក្រោមម្លប់នយោបាយសន្តិភាព និងស្ថិរភាពនៃសង្គមសេដ្ឋកិច្ចជាតិនៃយើងទាំងអស់គ្នា៕