វគ្គបណ្តុះបណ្តាលស្តីពី “ភាពជាអ្នកដឹកនាំ និងសមភាពយេនឌ័រ” ដំណាក់កាលទី២ ទីស្ដីការក្រសួង៖ នាថ្ងៃពុធ ទី១០ ខែកញ្ញា ឆ្នាំ ២០២៥ ក្រុមការងារបច្ចេកទេសរបស់គណៈកម្មការទទួលបន្ទុកយេនឌ័រ នៃក្រសួងសាធារណការ និងដឹកជញ្ជូន ក្រោមគម្រោង "ការលើកកម្ពស់ភាពជាអ្នកដឹកនាំរបស់ស្ត្រីក្នុងវិស័យដឹកជញ្ជូនកម្ពុជា" នៃកម្មវិធីភាពជាដៃគូសម្រាប់ហេដ្ឋារចនាសម្ព័ន្ធ (P4I) ដែលឧបត្ថមដោយរដ្ឋាភិបាលប្រទេសអូស្ត្រាលី បានរៀបចំវគ្គបណ្តុះបណ្តាលស្តីពី "ភាពជាអ្នកដឹកនាំ និងសមភាពយេនឌ័រ" ដំណាក់កាលទី២ ថ្ងៃទី៣ និងថ្ងៃទី៤ បានបន្តចាប់ផ្តើម ដោយមានការអញ្ជើញចូលរួមពីតំណាងខាងអង្គការមូលនិធិអាស៊ី និងសិក្ខាកាមមកពីអង្គភាពចំណុះក្រោមឱវាទក្រសួង។ កម្មវិធីបណ្តុះបណ្តាលនេះ រៀបចំឡើងក្នុងគោលបំណងផ្តោតសំខាន់លើការពង្រឹងសមត្ថភាព និងជំរុញភាពជាអ្នកដឹកនាំរបស់ស្រ្តីនៅក្នុងក្រសួង ព្រមទាំងជាមូលដ្ឋានគ្រឹះសម្រាប់ពង្រឹងកិច្ចសហប្រតិបត្តិការនាពេលអនាគតផងដែរ៕