កិច្ចប្រជុំរបស់គណៈកម្មការទទួលបន្ទុកយេនឌ័រ និងយន្តការគាំទ្រ នៃក្រសួងសាធារណការ និងដឹកជញ្ជូន ដើម្បីពិនិត្យលើវឌ្ឍនភាពនៃការអនុវត្តដំណាក់កាលទី២ នៃគម្រោង "ការលើកកម្ពស់ភាពជាអ្នកដឹកនាំរបស់ស្ត្រីក្នុងវិស័យដឹកជញ្ជូនកម្ពុជា" ទីស្ដីការក្រសួង៖ នាថ្ងៃពុធ ទី៣ ខែកញ្ញា ឆ្នាំ ២០២៥ លោកជំទាវ មឹន មាណវី រដ្ឋលេខាធិការ និងជាប្រធានគណៈកម្មការ បានអញ្ជើញដឹកនាំកិច្ចប្រជុំរបស់គណៈកម្មការទទួលបន្ទុកយេនឌ័រ និងយន្តការគាំទ្រ នៃក្រសួងសាធារណការ និងដឹកជញ្ជូន ដោយមានការចូលរួមពីសមាជិក នៃក្រុមការងារបច្ចេកទេសរបស់គណៈកម្មការទទួលបន្ទុកយេនឌ័រ។ កិច្ចប្រជុំនេះ រៀបចំឡើងក្នុងគោលបំណងពិនិត្យ និងពិភាក្សាអំពីវឌ្ឍនភាពនៃការអនុវត្តដំណាក់កាលទី២ នៃគម្រោង "ការលើកកម្ពស់ភាពជាអ្នកដឹកនាំរបស់ស្ត្រីក្នុងវិស័យដឹកជញ្ជូនកម្ពុជា" នៃកម្មវិធីភាពជាដៃគូសម្រាប់ហេដ្ឋារចនាសម្ព័ន្ធ (P4I) ដែលឧបត្ថមដោយរដ្ឋាភិបាលប្រទេសអូស្ត្រាលី ព្រមទាំងដាក់ចេញនូវជំហានបន្ទាប់ ដែលគួរអនុវត្ត ដើម្បីជំរុញគម្រោងឱ្យទទួលបានជោគជ័យតាមពេលវេលាកំណត់៕