កិច្ចប្រជុំបន្តពិនិត្យ និងពិភាក្សាលើការពិនិត្យឡើងវិញ និងការវិភាគមុខងារ និងរចនាសម្ព័ន្ធរបស់វិទ្យាស្ថានតេជោសែន សាធារណការ និងដឹកជញ្ជូន និងនាយកដ្ឋានក្រោមចំណុះនៃក្រសួងសាធារណការ និងដឹកជញ្ជូន ទីស្តីការក្រសួង៖ នាថ្ងៃពុធ ទី២០ ខែសីហា ឆ្នាំ២០២៥ លោកជំទាវ ហួត លីដា អនុរដ្ឋលេខាធិការ បានដឹកនាំក្រុមការងារលេខាធិការដ្ឋានពិនិត្យឡើងវិញ និងការវិភាគមុខងារ និងរចនាសម្ព័ន្ធនៃក្រសួងសាធារណការ និងដឹកជញ្ជូន បន្តជួបប្រជុំជាមួយក្រុមការងារនៃវិទ្យាស្ថានតេជោសែន សាធារណការ និងដឹកជញ្ជូន ដើម្បីពិនិត្យ និងពិភាក្សាលើតួនាទីភារកិច្ច និងការទទួលខុសត្រូវ ជាពិសេសការវិភាគលើមុខងារ និងរចនាសម្ព័ន្ធរបស់វិទ្យាស្ថានតេជោសែន សាធារណការ និងដឹកជញ្ជូន និងនាយកដ្ឋានក្រោមចំណុះ ឱ្យស្របតាមបរិបទការងារដែលកំពុងអនុវត្តនាពេលបច្ចុប្បន្ន និងវិធានការគន្លឹះនានានៅក្នុងការកែទម្រង់រដ្ឋបាលសាធារណៈរបស់រាជរដ្ឋាភិបាល នីតិកាលទី៧ នៃរដ្ឋសភា។