ពិធីអបអរសាទរ ទិវាមច្ឆជាតិ ០១ កក្កដា នៅខេត្តមណ្ឌលគិរី មណ្ឌលគិរី៖ នាថ្ងៃពុធ ទី១៦ ខែកក្កដា ឆ្នាំ២០២៥ ឯកឧត្ដម ម៉ែន ង៉ុយ ប្រធានក្រុមប្រឹក្សាខេត្ត ឯកឧត្តម ថង សាវុន អភិបាល នៃគណៈអភិបាលខេត្ត បានអញ្ជើញជាអធិបតីក្នុងពិធីអបអរសាទរ ទិវាមច្ឆជាតិ ១កក្កដា នៅបរិវេណអាងទំនប់អូរប្រង់ ក្នុងភូមិស្រែហ៊ុយ ឃុំស្រែហ៊ុយ ស្រុកកោះញែក ដើម្បីលែងកូនត្រីចម្រុះចំនួន ២៧ ០០០កូន ចូលទៅក្នុងប្រភពធម្មជាតិ បង្កើននូវសក្តានុពលវិស័យជលផលសម្រាប់ប្រជាពលរដ្ឋអាស្រ័យផល។ ពិធីនេះ មានការចូលរួមពីសំណាក់ឯកឧត្តម សមាជិកក្រុមប្រឹក្សាខេត្ត លោកអភិបាលរងខេត្ត មេបញ្ជាការកងកម្លាំងទាំងបី មន្ទីរអង្គភាពជុំវិញខេត្ត អាជ្ញាធរមូលដ្ឋាន យុវជន សិស្សានុសិស្ស និងបងប្អូនប្រជាពលរដ្ឋ៕