កិច្ចប្រជុំបូកសរុលទ្ធផលការងារឆមាសទី១ ឆ្នាំ២០២៥ របស់ក្លឹបហែលទឹកក្រសួងសាធារណការ និងដឹកជញ្ជូន ទីស្តីការក្រសួង៖នាថ្ងៃពុធ ទី៩ ខែកក្កដា ឆ្នាំ២០២៥ ឯកឧត្តម ហេង ណន រដ្ឋលេខាធិការ និងជាប្រធានក្លឹបហែលទឹកក្រសួងសាធារណការ និងដឹកជញ្ជូន បានដឹកនាំកិច្ចប្រជុំបូកសរុលទ្ធផលការងារឆមាសទី១ ឆ្នាំ២០២៥ របស់ក្លឹបហែលទឹកក្រសួងសាធារណការ និងដឹកជញ្ជូន ដោយមានការចូលរួមពី ឯកឧត្តម លោកជំទាវអនុប្រធាន ឯកឧត្តមអគ្គលេខាធិការ អគ្គលេខាធិការរង និងលោក លោកស្រី ជាសមាជិក-សមាជិកា ក្លឹបហែលទឹកក្រសួងសាធារណការ និងដឹកជញ្ជូនផងដែរ។ ឯកឧត្តមប្រធានបានលើកឡើងពីលទ្ធផលការងារសម្រេចបាន ដែលក្លឹបបានឧបត្ថម្ភគាំទ្រ និងលើកទឹកចិត្តដល់កីឡាករ កីឡាការិនី ដើម្បីចូលរួមប្រកួតផ្សេងៗ ដោយទទួលបានលទ្ធផលដ៏គាប់ប្រសើរ ដែលនេះជាការរួមចំណែកក្នុងការនាំយកកិត្តិយសជូនជាតិ ក៏ដូចប្រជាពលរដ្ឋយើងទាំងអស់ផងដែរ។ ក្លឹបហែលទឹកក្រសួងសាធារណការ និងដឹកជញ្ជូន នឹងបន្តកៀរគរការគាំទ្របន្ថែមសម្រាប់ក្លឹប ក៏ដូចជាចុះពិនិត្យហេដ្ឋារចនាសម្ព័ន្ធ និងប្រតិបត្តិការរបស់កីឡដ្ឋានស្រុកកោះធំ ជាពិសេសអាងហែលទឹក ដែលត្រូវធ្វើការជួសជុលឡើងវិញ និងដើម្បីបន្តនិរន្តរភាពរបស់ក្លឹប ព្រមទាំងបន្តការគាំទ្រដល់កីឡាករ កីឡាការិនីក្នុងការហ្វឹកហាត់ និងការចូលរួមប្រកួតផ្សេងៗទាំងក្នុងស្រុក និងក្រៅស្រុក៕