ឯកឧត្តម ហេង ណន រដ្ឋលេខាធិការ និងជាអនុប្រធានក្រុមការងាររាជរដ្ឋាភិបាលចុះមូលដ្ឋានស្រុកកោះធំ ដឹកនាំក្រុមការងារររាជរដ្ឋាភិបាលចុះមូលដ្ឋានស្រុកកោះធំ នាំយកទៀនព្រះវស្សា និងទេយ្យវត្ថុ រួមទាំងបច្ច័យប្រគេនដល់ព្រះសង្ឃចំនួន២០វត្ត នៃស្រុកកោះធំ ខេត្តកណ្តាល កណ្តាល៖ នាថ្ងៃពុធ ទី៩ ខែកក្កដា ឆ្នាំ២០២៥ ឯកឧត្តម ហេង ណន រដ្ឋលេខាធិការ និងជាអនុប្រធានក្រុមការងាររាជរដ្ឋាភិបាលចុះមូលដ្ឋានស្រុកកោះធំ តំណាងដ៏ខ្ពង់ខ្ពស់ ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកកោះធំ ដឹកនាំក្រុមការងារររាជរដ្ឋាភិបាលចុះមូលដ្ឋានស្រុកកោះធំ នាំយកទៀនព្រះវស្សា និងទេយ្យវត្ថុ រួមទាំងបច្ច័យប្រគេនដល់ព្រះសង្ឃចំនួន២០ វត្ត នៃស្រុកកោះធំ ខេត្តកណ្តាល ដោយមានការអញ្ជើញចូលរួមពីឯកឧត្តម លោកជំទាវ លោក លោកស្រី ជាក្រុមការងារ និងពុទ្ធបរិស័ទចំណុះជេីងវត្តយ៉ាងច្រេីនកុះករ។ ថ្លែងក្នុងឱកាសនោះ ឯកឧត្តមក៏បានពាំនាំការសួរសុខទុក្ខ និងជូនពរពីសំណាក់ ឯកឧត្តមប្រធាន ជូនចំពោះព្រះថេរានុត្ថេរ: និងពុទ្ធបរិស័ទ គ្រប់អង្គ នាក់ និងឆ្លៀតផ្សព្វផ្សាយអំពីផ្លែផ្កានៃសន្តិភាព ដែលកម្ពុជាកំពុងទទួលបាន ព្រមទាំងតួនាទីដ៏សំខាន់របស់ព្រះពុទ្ធសាសនាក្នុងការចូលរួមជួយថែរក្សានូវប្រពៃណី វប្បធម៌ជាតិ និងអប់រំបណ្តុះបណ្តាលធនធានមនុស្ស៕