ពិធីប្រគល់-ទទួលគ្រឿងចក្រ សម្រាប់ទីលានទុកដាក់សំរាមក្នុងក្រុងសិរីសោភ័ណ នៃគម្រោងកែលម្អគ្រប់គ្រងបរិស្ថានក្រុងជុំវិញបឹងទន្លេសាប ជំហាន២ បន្ទាយមានជ័យ៖ នាថ្ងៃអង្គារ ទី១០ ខែ មិថុនា ឆ្នាំ ២០២៥ លោក ពូ ម៉ានិត អគ្គនាយករង នៃអគ្គនាយកដ្ឋានចម្រោះប្រព័ន្ធទឹកកខ្វក់ បានអញ្ជើញចូលរួមពិធីប្រគល់-ទទួលគ្រឿងចក្រ សម្រាប់ទីលានទុកដាក់សំរាមក្នុងក្រុងសិរីសោភ័ណ នៃគម្រោងកែលម្អគ្រប់គ្រងបរិស្ថានក្រុងជុំវិញបឹងទន្លេសាប ជំហាន២ ក្រោមអធិបតីភាព លោក ឃ្លោក នួយ អភិបាលរងខេត្តបន្ទាយមានជ័យ និងជាប្រធានក្រុមការងារអនុវត្តទីលាន។ ពិធីនេះមានការចូលរួមពី តំណាងទីប្រឹក្សាបច្ចេកទេស RAMBOLL និងតំណាងក្រុមហ៊ុន RMA Cambodia PLC. ដោយប្រគល់ជូនគ្រឿងចក្រ ចំនួន៣គ្រឿង រួមមាន៖ ១). BULDOZER 1គ្រឿង ២). Backhole Tractor 1គ្រឿង និង ៣).TIPPER Truck 1គ្រឿង។ សូមរំលឹកផងដែរថា គម្រោងសាងសង់ទីលានទុកដាក់សំរាមក្រុងសិរីសោភ័ណ នៃគម្រោងកែលម្អគ្រប់គ្រងបរិស្ថានក្រុងជុំវិញបឹងទន្លេសាប ជំហានទី២នេះ ត្រូវបានសម្ពោធបើកឱ្យប្រើប្រាស់ជាផ្លូវការ កាលពីថ្ងៃទី១៧ ខែមករា ឆ្នាំ២០២៥ ប្រើប្រាស់រយ:ពេលសាងសង់ចំនួន១០ខែ(លឿនជាងកាលកំណត់៧ខែ) សាងសង់ដោយក្រុមហ៊ុន ហេង សម្បតិ្ត អាហរ័ណ នីហរ័ណ ដឹកជញ្ជូន និងសំណង់ មានទីតាំងស្ថិតក្នុងភូមិកង្វា សង្កាត់កំពង់ស្វាយ ក្រុងសេរីសោភ័ណ ខេត្តបន្ទាយមានជ័យ។ គម្រោងទាំងមូលត្រូវបានសាងសង់ឡើងនៅលើផ្ទៃដីសរុបទំហំ ១១ហិកតា ដែលនឹងគ្រោងឱ្យប្រើប្រាស់រហូតដល់ឆ្នាំ២០៤០ សម្រាប់ប្រជាជនប្រមាណជាង ១២៨ ២០៨នាក់ ដែលរស់នៅក្នុងសង្កាត់ម្កាក់ កំពង់ស្វាយ ព្រះពន្លា ទឹកថ្លា អូរអំបិល ភ្នៀត និងកោះពង្សសត្វ ក្រុងសិរីសោភ័ណ ខេត្តបន្ទាយមានជ័យ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube