កិច្ចប្រជុំស្តីពី ប្រកាសសមាសភាពក្រុមការងារមនុស្សចាស់ អន្តរជំនាន់ និងពហុមុខងាររបស់ក្រសួងសាធារណការ និងដឹកជញ្ជូន ទីស្តីការក្រសួង៖ នាថ្ងៃអង្គារ ទី១០ ខែមិថុនា ឆ្នាំ២០២៥ ឯកឧត្តម សួន រចនា រដ្ឋលេខាធិការ ក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំ ស្តីពីប្រកាសសមាសភាពក្រុមការងារមនុស្សចាស់ អន្តរជំនាន់ និងពហុមុខងាររបស់ក្រសួងសាធារណការ និងដឹកជញ្ជូន តបតាមសេចក្តីសម្រេចលេខ ០២០ សក.សសរ ចុះថ្ងៃទី១២ ខែឧសភា ឆ្នាំ២០២៥ របស់ក្រសួងសាធារណការ និងដឹកជញ្ជូន និងឆ្លើយតបតាមលិខិតលេខ ១០៣០ ស.អ.យ ចុះថ្ងៃទី២១ ខែមេសា ឆ្នាំ២០២៥ របស់ក្រសួងសង្គមកិច្ច អតីតយុទ្ធជន និងយុវនីតិសម្បទា។ សមាសភាពចូលរួមក្នុងកិច្ចប្រជុំនេះរួមមាន ឯកឧត្តមរដ្ឋលេខាធិការ ឯកឧត្តមអនុរដ្ឋលេខាធិការ លោកអគ្គនាយករង លោកប្រធាន និងអនុប្រធាននាយកដ្ឋាន លោកប្រធានមន្ទីរ និងលោក លោកស្រីអនុប្រធានមន្ទីរសាធារណការ និងដឹកជញ្ជូនរាជធានី ខេត្ត លោក លោកស្រីប្រធាន អនុប្រធានការិយាល័យ និងលោក លោកស្រីតំណាងអង្គភាពក្រោមឪវាទក្រសួង សរុបចំនួន ប្រមាណ៤០រូប៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube