គណៈប្រតិភូក្រសួងសាធារណការ និងដឹកជញ្ជូន ចូលរួមវេទិកា «The Maritime Silk Road Port International Cooperation Forum (MPF)» នៅប្រទេសចិន ប្រទេសចិន៖ ឯកឧត្តម តាំង សាមឿន អនុរដ្ឋលេខាធិការ ក្រសួងសាធារណការ និងដឹកជញ្ជូន ដឹកនាំគណៈប្រតិភូក្រសួង ដែលមានសមាសភាពមកពី អគ្គនាយកដ្ឋាន ដឹកជញ្ជូនផ្លូវទឹក ផ្លូវសមុទ្រ និងកំពង់ផែ កំពង់ផែស្វយ័តក្រុងព្រះសីហនុ និងកំពង់ផែស្វយ័តក្រុងភ្នំពេញ ចូលរួមវេទិកា «The Maritime Silk Road Port International Cooperation Forum (MPF)» ចាប់ពីថ្ងៃទី២៦-២៩ ខែឧសភា ឆ្នាំ២០២៥ នៅទីក្រុងណីងបូ សាធារណរដ្ឋប្រជាមានិតចិន។ វេទិកាអន្តរជាតិនេះត្រូវបានរៀបចំជារៀងរាល់ឆ្នាំសម្រាប់រដ្ឋាភិបាល វិស័យឯកជន និងវិទ្យាស្ថានស្រាវជ្រាវ ទាក់ទងនឹងវិស័យកំពង់ផែ ការងារដឹកជញ្ជូនភស្តុភារសកលលោក អ្នកជំនាញខាងច្បាប់ និងអ្នកផលិតទំនើបកម្មខាងបច្ចេកវិទ្យាឌីជីថល ដើម្បីគាំទ្រដល់ប្រព័ន្ធគ្រប់គ្រង និងសុវត្ថភាពដល់នាវាចរណ៍នៅតាមកំពង់ផែ។ នៅក្នុងដំណើរបេសសកម្មនេះ គណៈប្រតិភូបានចូលរួមកម្មវិធីមួយចំនួន រួមមាន៖ ១). ពិធីបើកផ្លូវការនៃវេទិកា ដោយបានស្តាប់នូវសុន្ទរកថា និងមតិចំណាប់អារម្មណ៍របស់ថ្នាក់ដឹកនាំប្រទេស ក្រុមហ៊ុនវិស័យឯកជន និងប្រធានស្ថាប័នអន្តរជាតិ-អន្តរជាតិ ២). ទស្សនកិច្ចនៅស្ថានីយ Ningbo Pilot Station និងបានចូលរួមវគ្គបណ្តុះបណ្តាលសិក្ខាកាម Pilot ដែលមកពីប្រទេសកម្ពុជា ៣). តំណាងឱ្យក្រសួងសាធារណការ និងដឹកជញ្ជូន ថ្លែងសុន្ទរកថាក្នុងវេទិកា «Safe & Cooperative Development of Pilotage » ក្រោមបរិបទ «Intelligence, Safety, Cooperation, and Sharing» ៤. ជួបពិភាក្សាការងារជាមួយក្រុមហ៊ុន Zhejiang Seaport Logistics Group ដឹកនាំដោយលោក Sun Xuejun ប្រធានក្រុមហ៊ុន ក្នុងគោលបំណងធ្វើការវិនិយោគក្នុងវិស័យ Logistics Port នៅក្នុងប្រទេសកម្ពុជា នាពេលខាងមុខនេះ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube