កិច្ចប្រជុំពិនិត្យពិភាក្សាបច្ចេកទេសគម្រោងសាងសង់ផ្លូវបន្ថែមប្រវែង ១ ៥៩១ម៉ែត្រ នៃគម្រោងសាងសង់ស្ពានឆ្លងកាត់ទន្លេបាសាក់(ចាក់អង្រែក្រោម-ព្រែកប្រា) ទីស្តីការក្រសួង៖ នាថ្ងៃសុក្រ ទី២ ខែឧសភា ឆ្នាំ២០២៥ ឯកឧត្តម សួង ហេង រដ្ឋលេខាធិការក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំពិនិត្យពិភាក្សាបច្ចេកទេសគម្រោងសាងសង់ផ្លូវបន្ថែមប្រវែង ១ ៥៩១ម៉ែត្រ នៃគម្រោងសាងសង់ស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) ដែលរាជរដ្ឋាភិបាលបានសម្រេចរួចហើយ ដោយមានការអញ្ជើញចូលរួមពីឯកឧត្តមជាថ្នាក់ដឹកនាំ តំណាងរដ្ឋបាលរាជធានីភ្នំពេញ តំណាងក្រុមហ៊ុន Shanghai Construction Group Co., Ltd ក្រុមការងារជំនាញបច្ចេកទេស នៃអង្គភាពគ្រប់គ្រងគម្រោង និងភាគីពាក់ព័ន្ធផងដែរ។ កិច្ចប្រជុំរៀបចំឡើងដើម្បីពិនិត្យបំពេញបន្ថែមលក្ខណៈបច្ចេកទេស និងគំនូសប្លង់លម្អិតនៃគម្រោងផ្លូវតភ្ជាប់ពីគម្រោងស្ពានឆ្លងកាត់ទន្លេបាសាក់ ផ្នែកខាងកើត ទៅផ្លូវជាតិលេខ១ ស្ថិតនៅសង្កាត់ព្រែកប្រា ខណ្ឌច្បារអំពៅ រាជធានីភ្នំពេញ តាមការណែនាំដ៏ខ្ពស់ខ្ពស់ ពីសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា ក្នុងពិធីបើកការដ្ឋានសាងសង់ស្ពានឆ្លងកាត់ទន្លេបាសាក់ (ចាក់អង្រែក្រោម -ព្រែកប្រា) នាថ្ងៃទី១៩ កុម្ភ: ឆ្នាំ២០២៤ កន្លងទៅ។ ជាមួយគ្នានេះ ឯកឧត្តមរដ្ឋលេខាធិការ បានណែនាំដល់ក្រុមហ៊ុនឱ្យកែសម្រួលបំពេញបន្ថែមតាមស្មារតីអង្គប្រជុំ ធ្វើយ៉ាងណាឱ្យស្របតាមបទដ្ឋានបចេ្ចកទេសបច្ចុប្បន្នរបស់ក្រសួង និងធ្វើយ៉ាងកាត់បន្ថយផលប៉ះពាល់ឱ្យនៅតិចតាមដែលអាចធ្វើបានដោយសហការជាមួយអាជ្ញាធរមូលដ្ឋាន និងស្ថានប័នពាក់ព័ន្ធ និងផ្ដល់ព័ត៌មានគ្នាទៅវិញទៅមកឱ្យបានគ្រប់ជ្រុងជ្រោយ ដើម្បីត្រៀមអនុវត្តគម្រោងក្នុងពេលឆាប់ៗខាងមុខ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube