កិច្ចប្រជុំត្រួតពិនិត្យភូមិសាស្ត្រ ផែនការការពារសុវត្ថិភាព និងពិនិត្យកិច្ចការងារដែលបានពិភាក្សាកន្លងមក ដើម្បីត្រៀមរៀបចំ "ពិធីបើកការដ្ឋានគម្រោងអភិវឌ្ឍន៍ប្រព័ន្ធចម្រោះទឹកកខ្វក់នៅក្រុងតាខ្មៅ ខេត្តកណ្តាល" កណ្ដាល៖ ថ្ងៃចន្ទ ទី២៨ ខែមេសា ឆ្នាំ២០២៥ ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន និងជានាយកគម្រោង បានអញ្ជើញចូលរួមកិច្ចប្រជុំត្រួតពិនិត្យភូមិសាស្ត្រ ផែនការការពារសុវត្ថិភាព និងពិនិត្យកិច្ចការងារដែលបានពិភាក្សាកន្លងមក ដើម្បីត្រៀមរៀបចំ "ពិធីបើកការដ្ឋានគម្រោងអភិវឌ្ឍន៍ប្រព័ន្ធចម្រោះទឹកកខ្វក់នៅក្រុងតាខ្មៅ ខេត្តកណ្តាល" ក្រោមអធិបតីភាព ឯកឧត្តម នាយឧត្តមសេនីយ៍ សន្តិបណ្ឌិត យូ ស៊ុនឡុង រដ្ឋមន្ត្រីប្រតិភូអមនាយករដ្ឋមន្ត្រី ដោយមានការអញ្ជើញចូលរួមពី ឯកឧត្តមអនុរដ្ឋលេខាធិការ ឯកឧត្តមអភិបាល នៃគណៈអភិបាលខេត្តកណ្តាល ប្រធានមន្ទីរសាធារណការ និងដឹកជញ្ជូនខេត្តកណ្តាល ឯកឧត្តមតំណាងគណ:កម្មាធិការជាតិ រៀបចំបុណ្យជាតិ-អន្តរជាតិ តំណាងក្រុមហ៊ុនសាងសង់ តំណាងក្រុមហ៊ុនទីប្រឹក្សាគម្រោង តំណាងមន្ទីរ-ស្ថាប័ន និងមន្ត្រីអាជ្ញាធរគ្រប់ជាន់ថ្នាក់ដែលពាក់ព័ន្ធជុំវិញខេត្ត។ គួរបញ្ជាក់ផងដែរថា ពិធីបើកការដ្ឋានគម្រោងអភិវឌ្ឍន៍ប្រព័ន្ធចម្រោះទឹកកខ្វក់ នៅក្នុងក្រុងតាខ្មៅនេះ គ្រោងនឹងប្រព្រឹត្តទៅនាថ្ងៃទី៦ ខែឧសភា ឆ្នាំ២០២៥ ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube