កិច្ចប្រជុំថ្នាក់តំបន់ «The SIPA Policy Dialogue on Sustainable and Resilient Freight Connectivity in the Southeast Asia Region» នៅទីក្រុងហ្សាកាតា ប្រទេសឥណ្ឌូណេស៊ី ឥណ្ឌូណេស៊ី៖ នាថ្ងៃទី ២៤-២៥ ខែមេសា ឆ្នាំ២០២៥ ឯកឧត្តម ឈៀង ពេជ្រ អនុរដ្ឋលេខាធិការ តំណាងដ៍ខ្ពង់ខ្ពស់ ឯកឧត្តម ប៉េង ពោធិ៍នា រដ្ឋមន្ដ្រីក្រសួងសាធារណការ និងដឹកជញ្ជូន បានអញ្ជើញដឹកនាំគណៈប្រតិភូក្រសួង ចូលរួម កិច្ចប្រជុំថ្នាក់តំបន់ «The SIPA Policy Dialogue on Sustainable and Resilient Freight Connectivity in the Southeast Asia Region»។ កិច្ចប្រជុំនេះរៀបចំឡើងក្នុងគោលបំណងដើម្បីពិភាក្សាក្នុងកម្រិតនយោបាយ លើការផ្សព្វផ្សាយលទ្ធផលសិក្សាចុងក្រោយ ដោយបញ្ជាក់ពីអាទិភាពគោលនយោបាយសំខាន់ៗ តម្រូវការវិនិយោគ និងវិធីសាស្រ្តក្នុងការរួមបញ្ចូលនិរន្តរភាព និងភាពធន់ទៅនឹងការដឹកជញ្ជូនទំនិញ ក្នុងការចែករំលែកបច្ចេកទេសដើម្បី អនុវត្តក្របខណ្ឌវិភាគសម្រាប់ការវាយតម្លៃ នៃការតភ្ជាប់និរន្តរភាព និងភាពធន់ក្នុងវិស័យដឹកជញ្ជូនទំនិញ។ ថ្លែងទៅកាន់អង្គប្រជុំ ឯកឧត្តមអនុរដ្ឋលេខាធិការ បានគូសបញ្ជាក់ពីចំណុចសំខាន់ៗចំនួនបី នូវកិច្ចខិតខំប្រឹងប្រែងរបស់រាជរដ្ឋាភិបាលកម្ពុជាលើកិច្ចសហប្រតិបត្តិការក្នុងតំបន់ឆ្លើយតបនឹងបរិបទថ្មីៗ តាមរយៈ ១) ការជំរុញការតភ្ជាប់ពហុមធ្យោបាយដឹកជញ្ជូន ២)ការគិតគូរអំពីនិរន្តរភាព និងភាពធន់នឹងអាកាសធាតុក្នុងការរៀបចំផែនការហេដ្ឋារចនាសម្ព័ន្ធ និង៣) ការពង្រឹងការសម្របសម្រួលគោលនយោបាយ និងយន្តការអន្តរស្ថាប័ន៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube