ភ្នំពេញ៖អនុប្រធានទី១ព្រឹទ្ធសភា លោក នៃ ប៉េណា បានទទួលមរណភាព ដោយរោគាពាធ នៅរសៀលថ្ងៃទី២៩ ខែកញ្ញា ឆ្នាំ២០១៨។ នេះបើយោងតាមការបញ្ជាក់ពីមន្រ្តី ព្រឹទ្ធសភា លោក ទេព មករា។ លោក ម៉ម ប៊ុននាង អ្នកនាំពាក្យព្រឹទ្ធសភាកម្ពុជា បានថ្លែងប្រាប់មជ្ឈមណ្ឌលព័ត៌មាន ដើមអម្ពិល នៅថ្ងៃទី២៩ ខែកញ្ញានេះថា “លោក នៃ ប៉េណា បានទទួលមរណភាព នៅវេលាម៉ោងប្រមាណ១រសៀល នៅគេហដ្ឋានរបស់លោក ដោយរោគាពាធ”។ លោក ម៉ម ប៊ុននាង បានបញ្ជាក់ថា “ខណៈនេះព្រឹទ្ធសភា កំពុងបើកកិច្ចប្រជុំ បង្កើតគណៈកម្មការរៀបចំបុណ្យរបស់ លោក នៃ ប៉េណា”។