សិក្ខាសាលាបញ្ចប់សកម្មភាពការងារ និងចែករំលែកបទពិសោធន៍ "ការផ្តល់ព័ត៌មាន ការអប់រំ និងការទំនាក់ទំនង (IEC)" ក្រោមហិរញ្ញប្បទានសហប្រតិបត្តិការរបស់ធនាគារអភិវឌ្ឍន៍អាស៊ី(ADB) ភ្នំពេញ៖ នាថ្ងៃអង្គារ ទី១ ខែមេសា ឆ្នាំ២០២៥ ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន និងលោកស្រី កែវ សុជាតា តំណាងអង្គការ GRET ប្រចាំនៅកម្ពុជា បានអញ្ជើញជាសហធិបតីក្នុងសិក្ខាសាលាបញ្ចប់សកម្មភាពការងារ និងចែករំលែកបទពិសោធន៍ "ការផ្តល់ព័ត៌មាន ការអប់រំ និងការទំនាក់ទំនង (IEC)" ក្រោមហិរញ្ញប្បទានសហប្រតិបត្តិការរបស់ធនាគារអភិវឌ្ឍន៍អាស៊ី(ADB) ដោយមានការអញ្ជើញចូលរួមពី ឯកឧត្តមអនុរដ្ឋលេខាធិការ ថ្នាក់ដឹកនាំ និងមន្ត្រីនៃអគ្គនាយកដ្ឋានប្រព័ន្ធចម្រោះទឹកកខ្វក់ តំណាងមកពី Ramboll ក្រុមការងាររបស់អង្គការ GRET តំណាងមកពី សាលាខេត្ត-ក្រុង មន្ទីរសាធារណការ និងដឹកជញ្ជូនរាជធានី-ខេត្ត និងក្រសួង ស្ថាប័នពាក់ព័ន្ធផងដែរ។ សិក្ខាសាលានេះរៀបចំឡើងក្នុងគោលបំណងជូនដំណឹងដល់ភាគីពាក់ព័ន្ធទាំងអស់ពីសកម្មភាពដែលបានអនុវត្តដោយអង្គការ GRET កន្លងមក ត្រូវបានបញ្ចប់ និងការបានចែករំលែកនូវភាពជោគជ័យ បញ្ហាប្រឈម និងចំនុចសំខាន់ៗ ដែលបានសិក្សា លើសពីនេះទៀតក៏បានផ្តល់ឱកាសឱ្យតំណាងមកពីខេត្តនីមួយៗ មកជុំគ្នាផ្លាស់ប្តូរបទពិសោធន៍ ធ្វើការពិភាក្សា ដើម្បីបំផុសគំនិត និងផ្តល់យោបល់សម្រាប់ការអភិវឌ្ឍ និងការកែលម្អសកម្មភាពអនាម័យនាពេលអនាគតផងដែរ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube