ផ្លូវជាតិលេខ ៧១សេ ដែលជាផ្លូវយុទ្ធសាស្ត្រ ក្នុងការតភ្ជាប់ខេត្តត្បូងឃ្មុំនិងកំពង់ចាម នឹងដាក់សម្ពោធឲ្យប្រជាពលរដ្ឋប្រើប្រាស់ នៅថ្ងៃទី ១១មេសាខាងមុខនេះ! គម្រោងសាងសង់ផ្លូវជាតិលេខ៧១សេ មានប្រវែងសរុប ១១៤,៩៩ គីឡូម៉ែត្រ គិតចាប់ពីផ្លូវជាតិលេខ៧ ចំណុច PK150+700 ក្នុងខេត្តត្បូងឃ្មុំ រហូតទៅដល់ផ្លូវជាតិលេខ៧១ ចំណុច PK30+400 ក្នុងខេត្តកំពង់ចាម គ្រោងនឹងសម្ពោធ បើកឱ្យប្រើប្រាស់ នៅថ្ងៃទី១១ ខែមេសា ឆ្នាំ២០២៥ ខាងមុខនេះហើយ ដើម្បីឲ្យទាន់ ក្នុងការសម្រួលដល់ការធ្វើដំណើរ របស់ប្រជាពលរដ្ឋ នាឱកាសបុណ្យចូលឆ្នាំប្រពៃណីខ្មែរ។ គួររម្លឹកផងថា ផ្លូវជាតិលេខ៧១C ត្រូវបានសម្ពោធ បើកការដ្ឋានសាងសង់កាលពីថ្ងៃទី ២៣ ខែវិច្ឆិកា ឆ្នំា២០២១ កន្លងទៅ ក្រោមហិរញ្ញប្បទានថវិកាពី សាធារណរដ្ឋប្រជាមានិតចិន ប្រមាណ ១២៩,៩៨ លានដុល្លារ និងថវិកាបដិភាគ របស់រាជរដ្ឋាភិបាលកម្ពុជា មួយចំនួនដែរ។ ផ្លូវនេះ ជាផ្លូវដ៏សំខាន់ ក្នុងការតភ្ជាប់ខេត្តត្បូងឃ្មុំនិងកំពង់ចាម ហើយក៏ពោពេញ ទៅដោយទេសភាពខៀវស្រងាត់ ត្រជាក់ភ្នែក មានសភាពធន់ រឹងមាំ ដែលផ្តល់ភាពងាយស្រួល ក្នុងការធ្វើចរាចរណ៍ដោយរលូនផងដែរ។