ភ្នំពេញ៖ មន្រ្តីជាន់ខ្ពស់ក្រសួងសាធារណការចង់អោយសិស្សនិស្សិតចាប់យកជំនាញសិក្សា វិស្វកម្មសំណង់ស៊ី វិលដើម្បីឆ្លើយតបទៅនឹងតម្រូវការអភិវឌ្ឍប្រទេស។ មន្រ្តីជាន់ខ្ពស់ក្រសួងសាធារណការនិងដឹកជញ្ជូនបានអៈអាងថា កម្ពុជាត្រូវការអ្នកជំនាញវិស្វកម្ម សំណង់ស៊ីវិលជាច្រើន ដូចជាការសាងសង់ផ្នូវថ្នល់ស្ពាន ប្រព័ន្ធធារាសាស្រ្ត និងអគារសំណង់ ខ្ពស់ៗ ខណៈដែលកម្ពុជាកំពុងមានសន្ទុះរីកចំរើនទៅមុខ។ ក្នុងពិធីចុះហត្ថលេខាលើអនុស្សរណៈយោគយល់គ្នារវាងសាកលវិទ្យាល័យវេស្ទើន ជាមួយនឹងមន្ទីរពិសោធន៍ សំណង់និងសាធារណការនៅព្រឹកថ្ងៃទី ២៧ ខែកញ្ញានេះ ឯឧ.ឃុន ស្រ៊ុន អគ្គនាយកមន្ទីរពិសោធន៍សំណង់និងសាធារណការនៃក្រសួងសាធារណការនិងដឹកជញ្ជូនបានឲ្យដឹងថា សិស្សដែលទើបតែប្រលងជាប់មធ្យមសិក្សាទុតិយភូមិដែលចាប់យកជំនាញវិស្វកម្មសំណង់ស៊ីវិលនេះ មានឱកាសទទួលបានការងារល្អៗនិងមានប្រាក់ បៀវត្សខ្ពស់ ដោយសារតែវិស័យនេះនៅខ្វះអ្នកជំនាញច្រើន។ ឯឧ.បានបញ្ជាក់ថា មន្ទីរពិសោធន៍សំណង់និងសាធារណការនឹងស្វាគមន៍រាល់សិស្សនិស្សិតទំាងអស់ដែលកំពុងរៀន ជំនាញវិស្វកម្មសំណង់ស៊ីវិលអាចមកពិសោធន៍ស្រាវជ្រាវនៅក្នុងមន្ទីរពិសោធន៍នេះដោយ ឥតគិតថ្លៃ ដើម្បីបង្កើនចំណេះជំនាញមានសមត្ថភាពពេញលេញក្នុងការអភិវឌ្ឍវិស័យសំណង់នៅកម្ពុជា អោយកាន់តែរីកចំរើនទៅមុខទៀត។ លោកទូស សាភឿន អគ្គលេខាធិការង គណៈស្ថាបត្យករកម្ពុជា និងជាសាកលវិទ្យាធិការ រងនៃសាកលវិទ្យាល័យវេស្ទើនបានឲ្យដឹងថា ការរៀនជំនាញវិស្វកម្មសំណង់ស៊ីវិលនេះអោយតែចេះប្រាកដមិនត្រឹមតែមានឱកាសរកការងារបានស្រួលជាមួយនឹងប្រាក់បៀវត្សខ្ពស់ប៉ុណ្ណោះទេ ថែមទំាង អាចក្លាយជាអ្នកជំនាញផ្សេងៗទៀតក្នុងផ្នែកអចលទ្រព្យថែមទៀតផង។ លោកបានបញ្ជាក់ថា ការភ្ជាប់កិច្ចសហការរវាងគ្រឹះស្ថានអប់រំជាមួយនឹងមន្ទីរពិសសោធន៍ គឺមានសារៈសំខាន់ណាស់សម្រាប់និស្សិតមិនត្រឹមតែចេះតែទ្រឹស្តីប៉ុណ្ណោះទេ គឺត្រូវការពិសោធន៍ ដូចជាគុណភាពដី ទឹក គ្រឹៈសំណង់ សម្ភារៈសំណង់ និងបង្គុំសំណង់ រួមទំាង ការអនុវត្តការងារ ជាក់ស្តែង ដែលធ្វើឲ្យនិស្សិតកាន់តែមានសមត្ថភាពច្បាស់លាស់ក្នុងការបំពេញការងារក្រោយពេលបញ្ចប់ការសិក្សា។ សូមបញ្ជាក់ថា បច្ចុប្បន្ននេះកម្ពុជា មានអ្នកជំនាញផ្នែកវិស័យវិស្វកម្មសំណង់ស៊ីវិលមានចំនួន ជិត១ម៉ឺននាក់ ប៉ុន្តែមិនទាន់គ្រប់គ្រាន់នៅឡើយខណៈអ្នកជំនាញបរទេសជាច្រើនបានចូលមកដណ្តើមទីផ្សារការងារលើមុខជំនាញប្រភេទនេះ៕