សិក្ខាសាលាស្តីពីការចាប់ផ្តើមសិក្សា និងវិភាគសន្តិសុខទឹកក្នុងបឹងទន្លេសាប និងដៃស្ទឹងរបស់វា នៅខេត្តទាំង៦ជុំវិញបឹងទន្លេសាប សៀមរាប៖ នាថ្ងៃអង្គារ ទី១៨ ខែមីនា ឆ្នាំ២០២៥ ឯកឧត្តម ចៅ សុភៈភិបាល អគ្គនាយក នៃអគ្គនាយកដ្ឋានប្រព័ន្ធចម្រោះទឹកកខ្វក់ បានអញ្ជើញចូលរួមសិក្ខាសាលាស្តីពីការចាប់ផ្តើមសិក្សា និងវិភាគសន្តិសុខទឹកក្នុងអាងទន្លេសាប ក្រោមអធិបតីភាពឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប ដោយមានការចូលរួមពីសមាជិកអាជ្ញាធរទន្លេសាប (តំណាងពីក្រសួងស្ថាប័ន ថ្នាក់ជាតិ និងរដ្ឋបាលថ្នាក់ក្រោមជាតិ បុគ្គលិកអាជ្ញាធរទន្លេសាប ស្ថាប័នអប់រំ និងស្រាវជ្រាវ ដៃគូអភិវឌ្ឍ តំណាងសហគមន៍ មជ្ឈមណ្ឌលអន្តរជាតិសម្រាប់ការគ្រប់គ្រងបរិស្ថាន (ICEM) ក្រុមទីប្រឹក្សាធនាគារពិភពលោក រួមទាំងអង្គការជាតិ និងអន្តរជាតិ និងភាគីពាក់ព័ន្ធ។ សិក្ខាសាលានេះរៀបចំឡើងរួមគ្នាដោយអាជ្ញាធរទន្លេសាប (TSA) ធនាគារពិភពលោក (WB) នាយកដ្ឋានកិច្ចការបរទេស និងពាណិជ្ជកម្មអូស្រ្តាលី(DFAT) ភាពជាដៃគូទឹកនៃប្រទេសអូស្រ្តាលី(AWP) និងភាពជាដៃគូសន្តិសុខទឹក និងអនាម័យសកល (GWSP) ចាប់ពីថ្ងៃទី១៨ ដល់ថ្ងៃទី១៩ ខែមីនា ឆ្នាំ២០២៥ ក្នុងគោលបំណងដើម្បីពង្រឹងការយល់ដឹងអំពីបញ្ហាសុវត្ថិភាពទឹកនៅក្នុងតំបន់បឹងទន្លេសាប និងដៃស្ទឹងក្នុងការគាំទ្រគោលនយោបាយ ដើម្បីកសាងនូវការឯកភាពគ្នាលើប្រព័ន្ធនៃការគ្រប់គ្រងតំបន់ទន្លេសាប ដើម្បីកំណត់ផែនការអភិវឌ្ឍន៍ពហុដំណាក់កាល ផ្អែកលើភស្តុតាងសម្រាប់ ផ្លាស់ប្តូរចំណេះដឹង នៃការបង្កើតកម្មវិធី និងការបង្កើនសមត្ថភាពគ្រប់ភាគីពាក់ព័ន្ធធ្វើយ៉ាងណាឱ្យភាគីពាក់ព័ន្ធទាំងអស់មានការយល់ដឹងរួមគ្នាមុននឹងឈានទៅអនុវត្តគម្រោងរួមគ្នា សម្រាប់ចីរភាព ភាពធន់ និងការអភិវឌ្ឍន៍បឹងទន្លេសាប៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube