កិច្ចប្រជុំស្ដីពី "បេសកកម្មគាំទ្រការអនុវត្តគម្រោងជំរុញការផ្គត់ផ្គង់ទឹកស្អាត និងអនាម័យ (WASAC) និងគម្រោងលើកកម្ពស់ការផ្គត់ផ្គង់ទឹកស្អាត និងអនាម័យ (WASSIP)របស់ធនាគារពិភពលោក ភ្នំពេញ៖ នារសៀលថ្ងៃព្រហស្បតិ៍ ទី២៧ ខែកុម្ភៈ ឆ្នាំ២០២៥ ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន បានអញ្ជើញដឹកនាំក្រុមការងារអនុវត្តគម្រោង ចូលរួមកិច្ចប្រជុំស្ដីពី "បេសកកម្មគាំទ្រការអនុវត្តគម្រោង នៃគម្រោងជំរុញការផ្គត់ផ្គង់ទឹកស្អាត និងអនាម័យ (WASAC) និងគម្រោងលើកកម្ពស់ការផ្គត់ផ្គង់ទឹកស្អាត និងអនាម័យ (WASSIP) ដោយមានការអញ្ជើញចូលរួមពី ឯកឧត្តម ស៊ឹម ស៊ីថា រដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ឯកឧត្តមអនុរដ្ឋលេខាធិការ និងសមាជិកអង្គភាពគ្រប់គ្រងសមាសភាពគម្រោងនៃក្រសួងសាធារណការ និងដឹកជញ្ជូន តំណាងក្រសួងសេដ្ឋកិច្ច និងហិរញ្ញវត្ថុ ក្រុមការងារធនាគារពិភពលោក និងភាគីពាក់ព័ន្ធផងដែរ។ កិច្ចប្រជុំនេះរៀបចំឡើងដើម្បីធ្វើបទបង្ហាញអំពីវឌ្ឍនភាពការងារអនុវត្តគម្រោង និងពិភាក្សាក្នុងការផ្ដល់នូវមតិយោបល់សំខាន់ៗមួយចំនួន ដែលត្រូវការជាចាំបាច់សម្រាប់ការអនុវត្ត និងការកែលម្អរការអនុវត្តការងារ នៃគម្រោងជំរុញការផ្គត់ផ្គង់ទឹកស្អាត និងអនាម័យ (WASAC) និងគម្រោងលើកកម្ពស់ការផ្គត់ផ្គង់ទឹកស្អាត និងអនាម័យ (WASSIP) ដើម្បីឆ្ពោះទៅរកការសម្រេចបាននូវលទ្ធផលល្អប្រសើរ។ សូមបញ្ជាក់ផងដែរថា "បេសកកម្មគាំទ្រការអនុវត្តគម្រោង នៃគម្រោងជំរុញការផ្គត់ផ្គង់ទឹកស្អាត និងអនាម័យ (WASAC) និងគម្រោងលើកកម្ពស់ការផ្គត់ផ្គង់ទឹកស្អាត និងអនាម័យ (WASSIP) ប្រព្រឹត្តទៅចាប់ ពីថ្ងៃទី២៤ ខែកុម្ភៈ ឆ្នាំ២០២៥ ដល់ថ្ងៃទី៧ ខែមីនា ឆ្នាំ២០២៥ របស់ក្រុមការងារធនាគារពិភពលោក(WB)៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube