ពិធីសំណេះសំណាល ជាមួយកីឡាករ ជ័យលាភីប្រកួតហែលទឹកពាក់ជើងទា ជ្រើសរើសជើងឯកថ្នាក់ជាតិប្រចាំឆ្នាំ២០២៤ រាជធានីភ្នំពេញ៖ នារសៀលថ្ងៃចន្ទ ទី១៧ ខែកុម្ភៈ ឆ្នាំ២០២៥ ឯកឧត្តម ហេង ណន រដ្ឋលេខាធិការ និងជាប្រធានក្លឹបហែលទឹកក្រសួងសាធារណការ និងដឹកជញ្ជូន តំណាងដ៏ខ្ពង់ខ្ពស់ឯកឧត្ដម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន បានអញ្ជើញជួបសំណេះសំណាល និងនាំយកថវិកាឧបត្ថម្ភដល់កីឡាករ ជ័យលាភីប្រកួតហែលទឹកពាក់ជើងទា ជ្រើសរើសជើងឯកថ្នាក់ជាតិប្រចាំឆ្នាំ២០២៤ ដោយមានការចូលរួមពីឯកឧត្តម អគ្គលេខាធិការ អគ្គលេខាធិការរង និងសមាជិកក្លឹបហែលទឹកក្រសួងសាធារណការ និងដឹកជញ្ជូន ។ ស្ថិតក្នុងឪកាសនោះ ឯកឧត្តមប្រធានក្លឹប បានសម្តែងការអបអរសាទរ និងកោតសរសេីរដល់កីឡាករក្លឹបហែលទឹករបស់ក្រសួងសាធារណការ និងដឹកជញ្ជូន ដែលបានប្រកួតទទួលបានមេដាយមាស ចំនួន ៦គ្រឿង មេដាយប្រាក់ ចំនួន ៦គ្រឿង និងមេដាយសំរិទ្ធិ ចំនួន ៣គ្រឿង ។ ឯកឧត្តមប្រធានក្លឹប បានលេីកទឹកចិត្តឱ្យកីឡាករ បន្តយកចិត្តទុកដាក់ខិតខំហ្វឹកហាត់ តាមការណែនាំរបស់គ្រូបង្វឹក ដេីម្បីត្រៀមចូលរួមការប្រកួតទាំងថ្នាក់ជាតិ និងអន្តរជាតិ ជាច្រេីនទៀតនាពេលខាងមុខ។ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube