កិច្ចប្រជុំពិនិត្យបទបង្ហាញរបស់វាគ្មិនត្រៀមសម្រាប់កិច្ចពិភាក្សា (Panel Discussion) នៅក្នុងសន្និបាតបូកសរុបលទ្ធផលការងារឆ្នាំ២០២៤ និងលើកទិសដៅការងារឆ្នាំ២០២៥ របស់ក្រសួងសាធារណការ និងដឹកជញ្ជូន ទីស្ដីការក្រសួង៖ នារសៀលថ្ងៃពុធ ទី១៥ ខែមករា ឆ្នាំ២០២៥ ឯកឧត្ដម ហេង ណន រដ្ឋលេខាធិការក្រសួងសាធារណការ និងដឹកជញ្ជូន និងជាប្រធានអនុគណៈកម្មការសម្របសម្រួលបទអន្តរាគមន៍ បានអញ្ជើញដឹកនាំកិច្ចប្រជុំពិនិត្យបទបង្ហាញរបស់វាគ្មិនត្រៀមសម្រាប់កិច្ចពិភាក្សា (Panel Discussion) នៅក្នុងសន្និបាតបូកសរុបលទ្ធផលការងារឆ្នាំ២០២៤ និងលើកទិសដៅការងារឆ្នាំ២០២៥ របស់ក្រសួងសាធារណការ និងដឹកជញ្ជូន ដោយមានវត្តមានចូលរួមពី ឯកឧត្តម-លោកជំទាវ អនុរដ្ឋលេខាធិការ ឯកឧត្តមអគ្គនាយក លោក លោកស្រី ថ្នាក់ដឹកនាំ អញ្ជើញមកពីអង្គភាពពាក់ព័ន្ធក្រោមឱវាទក្រសួង និងមន្ទីរសាធារណការ និងដឹកជញ្ជូន រាជធានីខេត្តផងដែរ។ អង្គប្រជុំបានពិនិត្យពិភាក្សា បន្ស៊ីនូវកម្រងសំណួរ និងចម្លើយ ព្រមទាំងស្លាយគាំទ្រ ដែលអង្គភាពនីមួយៗត្រូវធ្វើកិច្ចពិភាក្សាសំដៅធានាឱ្យការរៀបចំពិធីសន្និបាតបូកសរុបលទ្ធផលការងារឆ្នាំ២០២៤ និងលើកទិសដៅការងារឆ្នាំ២០២៥ របស់ក្រសួងសាធារណការ និងដឹកជញ្ជូន អាចប្រព្រឹត្តទៅបានដោយរលូន តាមផែនការដែលបានគ្រោងទុក៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube