អ្នកនាំពាក្យក្រសួងសារធារណការ ៖ ឆ្នាំ២០២៤ មានយានយន្ត ជាង ៤១ ម៉ឺនគ្រឿង បានចុះបញ្ជី ពេញមួយឆ្នាំ២០២៤ ក្រសួងសាធារណការ និងដឹកជញ្ជូន ទទួលការស្នើសុំចុះបញ្ជីយានយន្ត បានចំនួនប្រមាណជាង ៤១ម៉ឺនគ្រឿង ។ បើតាមឯកឧត្តម ផន រឹម អ្នកនាំពាក្យក្រសួងសាធារណការ និងដឹកជញ្ជូន បានឱ្យដឹង នាថ្ងៃទី១៤ ខែមករា ឆ្នាំ២០២៥ នេះថា យានយន្ត ដែលបានចុះបញ្ជីនៅក្រសួងសាធារណការ និងដឹកជញ្ជូន គិតចាប់ពីខែមករា ដល់ខែធ្នូ ឆ្នាំ២០២៤ មានសរុប ៤១៣.០៦៧គ្រឿង ។ ក្នុងនោះមានម៉ូតូសរុប ៣៥៣.៦០៣គ្រឿង និងរថយន្តធុនស្រាល ៥៤.៦៩២គ្រឿង រួមនិងរថយន្តធុនធ្ងន់ចំនួន ៥.៨៤១គ្រឿង។ ឯកឧត្តម ផន រឹម គូសបញ្ជាក់ដែរថា បើតាមរបាយការណ៍បូកសរុប នៅអំឡុងខែកញ្ញា មានម៉ូតូ និងរថយន្តធុនស្រាល ចុះបញ្ជីច្រើនជាងគេ។ ចំណែកឯរថយន្តធុនធ្ងន់ ចុះបញ្ជីច្រើនជាងគេនៅអំឡុងខែមករា។ ជារួមបើប្រៀបធៀបរយៈពេលដូចគ្នា នៅឆ្នាំ២០២៣ ការចុះបញ្ជីម៉ូតូ មានចំនួន៣១០.៦៤៨ គ្រឿង និងរថយន្តធុនស្រាល ចំនួន៥៣.១១២គ្រឿង មានការកើនឡើងជាងឆ្នាំ២០២៤។ ខណៈតួលេខ នៃចុះបញ្ជីរថយន្តធុនធ្ងន់ មានចំនួន ៦.៨១៧គ្រឿង ធ្លាក់ចុះ ១៤%៕