កិច្ចប្រជុំស្តីពីការរៀបចំយន្តការគ្រប់គ្រង ការពង្រឹងលើការផ្តល់សេវាសាធារណៈក្នុងវិស័យដឹកជញ្ជូនផ្លូវគោក ទីស្តីការក្រសួង ៖ នាថ្ងៃសុក្រ ទី១០ ខែមករា ឆ្នាំ២០២៥ ឯកឧត្តម ពៅ ម៉ាលី រដ្ឋលេខាធិការ ក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំ ស្តីពីការរៀបចំយន្តការគ្រប់គ្រង ការពង្រឹងលើការផ្តល់សេវាសាធារណៈក្នុងវិស័យដឹកជញ្ជូនផ្លូវគោក ដោយមានការអញ្ជើញចូលរួមពី ឯកឧត្តមអនុរដ្ឋលេខាធិការ ឯកឧត្តមអគ្គនាយក លោកអគ្គនាយករង លោក លោកស្រី ប្រធាននាយកដ្ឋាន នៃអគ្គនាយកដ្ឋានដឹកជញ្ជូនផ្លូវគោកផងដែរ។ កិច្ចប្រជុំនេះផ្តោតជាសំខាន់លើការរៀបចំយន្តការគ្រប់គ្រងអ្នករត់ការ(គួកជេរ) និងពិភាក្សាពីលទ្ធភាពក្នុងការបង្កើតភ្នាក់ងារ(Agent) ផ្តល់សេវាស្របច្បាប់ ក្នុងវិស័យដឹកជញ្ជូនផ្លូវគោក ដើម្បីងាយស្រួលក្នុងការគ្រប់គ្រង និងលុបបំបាត់រាល់ការចំណាយមិនសមរម្យផ្សេងៗរបស់ប្រជាពលរដ្ឋ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube