កិច្ចប្រជុំពិនិត្យវឌ្ឍនភាពការងារប្រចាំខែ នៃគម្រោងលើកកម្ពស់ការផ្គត់ផ្គង់ទឹកស្អាត និងអនាម័យ ទីស្ដីការក្រសួង៖ នាថ្ងៃអង្គារ ទី៣១ ខែធ្នូ ឆ្នាំ២០២៤ ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំពិនិត្យវឌ្ឍនភាពការងារប្រចាំខែ នៃគម្រោងលើកកម្ពស់ការផ្គត់ផ្គង់ទឹកស្អាត និងអនាម័យ ដោយមានការអញ្ជើញចូលរួមពី ឯកឧត្តមអនុរដ្ឋលេខាធិការ ឯកឧត្តមអគ្គនាយក នាយកគម្រោង និងមន្ត្រីជំនាញបច្ចេកទេសជាសមាជិកគម្រោង តំណាងក្រុមហ៊ុនសាងសង់ និងក្រុមហ៊ុនទីប្រឹក្សា នៃគម្រោងលើកកម្ពស់ការផ្គត់ផ្គង់ទឹកស្អាត និងអនាម័យ (WaSSIP)។ កិច្ចប្រជុំនេះរៀបចំឡើងដើម្បីពិនិត្យ និងរាយការណ៍អំពីវឌ្ឍនភាពការងារនៃគម្រោងលើកកម្ពស់ការផ្គត់ផ្គង់ទឹកស្អាត និងអនាម័យ (WaSSIP) ក្នុងខេត្តសៀមរាប និងលើកទិសដៅផែនការការអនុវត្តគម្រោងការងារបន្តនៅក្នុងឆ្នាំ២០២៥ ដែលជាឆ្នាំចុងក្រោយនៃការបញ្ចប់នូវការអនុវត្តគម្រោងផងដែរ។ គួរបញ្ជាក់ផងដែរថា គម្រោងលើកកម្ពស់ការផ្គត់ផ្គង់ទឹកស្អាត និងអនាម័យ (WaSSIP) បានចាប់ផ្ដើមអនុវត្តការងាររហូតមកដល់បំណាច់ឆ្នាំ២០២៤ នេះ បានអនុវត្តការងារសម្រេចបានប្រមាណជាង៨៤% ហើយគ្រោងនឹងបញ្ចប់១០០% នៅក្នុងឆ្នាំ២០២៥ ខាងមុខនេះ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube